(قراءة ممتعه)
محمد : طلعنه اني وعلي حتى نتغده ونحجي بل الموضوع... طبعا اني الطريق كله افكر بنفسي وافكر ب علي... وصلنه للمطعم... نزلنه كعدنه.... و وصينه اكل... كتله علي اني قررت.. انو اني الي اتزوجه أني أوله منك... هم اني ادري بيك تحب نادين وما تكدر اتفضل أحد عليه... لذالك قررت اني اتزوجه...
علي : اني ادري بيك محمد مستحيل تقبل اني اتزوجه...
لان تعرف كلش زين نادين وأشكد احبه... شكرا لان فكرت بيه وما خذلتني...
محمد : شنو تشكرني اخوي... اني مسويت شيء.. سويت الي شفته صح... حتى بالنسبه للبنية احسن اني اتزوجه...
علي : لك محمد اشو كلش مهتم بهل البنية شنو سالفتك خاف تحبه...
محمد : لا يمعود شنو احبه ( اني واكف وياها لان هيه انظلمت)
علي : يعني ماكو شيء منا منا...
محمد : لا طبعا ماكو...
علي : دنشوف الايام تثبت..
محمد : وصل الاكل اكل واسكت...
علي : سكت...
محمد : كعدنه اتغدينه ورجعنه للبيت حتى اكول لابوي اني اتزوجه.... وصلنه للبيت ابوي وامي بل الصاله...
محمد وعلي : السلام عليكم..
ليث و رائ : هله ولدي...
ليث : ها شباب قررتوا..
محمد : اي يأبه قررنا اني راح اتزوجه..
ليث : اي ابني هذا القرار الصح...
رائ : يمه ما اصدك محمد راح يتزوج....واشوفه مستقر بحياته...
محمد : يمه تره اني باعتبار مجبور... بس موافق... لا تفرحين كلش...
رائ : راح اشوفك عريس...
محمد : اي يمه راح تشوفيني...
ليث : لعد اني لازم اروح لبيت ابو مصطفى اكله...
محمد : اي زين...
ليث : محمد أنته تجي وياي...
محمد : يأبه ميحتاج اجي وياك..
ليث : لا ابني ميصير لازم تجي وياي...
محمد : صاار يأبه بس خل أبدل واصلي واجي...
ليث : يله لعد انتضرك...
علي : واني راح اروح ارتاح اشوية...
رائ : روح ابني..
محمد : رحت بدلت لبست قميص اسود وبنطرون اسود.. ومشطت شعري وحطيت عطر... ونزلت... ابوي دا ينتظرني...
ليث : يله ما دام كملت يله نطلع
محمد : يله نروح.. وصلنه لبيتهم جبير بس بيتنه اكبر...
دكينه الباب طلع ابو مصطفى سلم على ابوي ودخلنه للبيت....
