(قراءة ممتعة...)
*بعد مرور أسبوعين *
ليان : مرت اسبوعين مصاار شيء تعودت على الروتين بل البيت محمد نفس تعاملة... بس مجرحني مثل قبل.. يوم المزاجة حلو تعاملة حلو.. أما إذا ضايج يضل معصب طول اليوم واني رغم كل هذا اتعودت علية.. وطبعا اليوم حيروح لاربيل لان عندة شغل واجتماع ومدري شنو.. ضايجة لان اني كلت اتعودت علية..
محمد : مرت اسبوعين ايام طبيعية ومصار شيء.. اما ليان اويلي عليها.. مو كادر اعرف شعوري تجاها..اكول هيه مجرد وحده اتزوجتها لضروف وخلص.. واكول ليش احب نفسي من اضحك وياها.. احس لازم بعمري ما ازعلها. لان أحسها جزء مني ما اعرف شنو هل الشعور... واني بعمري ما فكرت بيوم احب وحده لان ما ائمن بل الحب بهل الوكت.. اما من ناحيتها هيه طفلة بل النسبة الي اتعرضتلة واكول لازم احتضنها.. وما عدها أحد غيري يسندها بل الحياة.. هم مرات ابتعد ومراح اكون قريب منها...... اليوم حروح لاربيل عندي اجتماع مهم... المفروض علي يروح.. بس لازم هوه يبقى أهنأ علمود يمشي الإدارة وأني راح اروح... اعتقد اضل اسبوع..
ليان : كعدت الصبح ساعة ب٥ توضيت وصليت.. وكعدت محمد.. محمد يلة اكعد حنزل اسوي ريوك..
محمد : اممم...
ليان : بدلت لبست دشداشة ونزلت سويت ريوك..
محمد : كعدتني ليان اصبح سبحت وتوضيت وصليت ونزلت.. صباح الخير..
ليان : صباح النور... يلة تعال اكل كملت..
محمد : كعدت اتريكت وليان ضلت بل المطبخ..
ليان : ( ضليت بل المطبخ ما اريد اصعد.. على اساس عزلت ورتبت المطبخ... )
محمد : حضرتي كلشي مو..
ليان : اي كلشي كامل حضرتة من البارحة..
محمد : خوش.. بس حضريلي براسيتول آخذة وياي خال راسي يوجعني..
ليان : اوكي.. رحت طلعت الدوة.. وحضرت مي وحطيتهن وية الغراض الي يحتاجهن..
محمد : كملت راح اروح ابدل ..
ليان : اوكي..
محمد : صعدت بدلت لبست بدي اسود نص ردان وبنطرون. ونزلت الجنطة..
ليان : خما ناسي شيء..
محمد : لا كلشي كامل.. يلة حطلع..
ليان : طلعنا بل الطرمة.. شفت الجو بارد راح يغير الجو..(الشتاء)... محمد شوف الجو بارد وانتة لابس نص ردان.. خاف تتمرض..
محمد : لا هاي بس هسه شوية بيها برودة.. هسه تطلع الشمس.. لا والله باردة.. اوكف اجيب شيء تلبسة..
محمد : تعااي وين رايحة ما اريد..
ليان : اوكف ومعليك..
محمد : عنيدة مو بيدج..
ليان : رحت فوك.. فتحت الكنتور لكيت قمصلة كابوي سودة.. مال هيج وكت.. اخذتها ونزلت.. جبت هاي ألبسها..
