(قراءة ممتعة... )
((بعد مرور ٧ ايام)) يوم السبعة..
__________
ليان : مرت الايام... اتاقلمت وية البيت كلهم حبابين وماكو مشاكل الحمد الله غيرر عمار.. أما محمد اخخ محمد الي هوه لحد الان ما اعرف اوصفة شنو مزاجة يتغير بل الدقيقة كل ساع شخصية شكل.. انكضيه لو نتعارك لو حباب وياي وبدون مشاكل رجع لدوامة يروح الصبح ويرجع الظهر .. اليوم السبعة مسوين عزيمة لبيت اهلي.. وراح اتصير حفلة اصغيرة مال السبعة العصر..
_____
محمد : مرت الايام و ماكو شيء جديد.. ماكو مشاكل بين العائلة وليان ما تتدخل بشيء وتعامله وية اهلي زين.. وكلهم ايحبوه.. حاولت ما اكون الشخص الطيب وزين بكل الوقت وية ليان لان ما اريده تشد ظهره بية اني أريده اتكون هيه قوية بدوني.. وبنفس الوقت ما اريد احسسه باهتمامي بيهه..
***
ليان : كعدت الصبح من وكت ب٧ ونص.. كعدت محمد..
محمد يلة اكعد الساعة ب٧ ونص.
محمد : بنعاس.. اي هسه راح اكوم..
ليان : رحت سبحت لبين ما يكعد محمد.. طلعت من الحمام.. ولكيت محمد بعده نايم.. يلة اكعد ما ضل وكت..
محمد : رجعت نمت.. وحسيت مرة ثانية تكعدني.. اي مو كتلج هسه اكعد.. ليش اتلحين..
ليان : يا هسه طبيت للحمام وانتة بعدك نايم.. شعلية اني بيك اذا تتأخر مو تكلي انتي ما كعدتيني..
محمد : طارت نومة عيني.. راح اكوم..
ليان : رحت حضرت ملابس محمد مال الدوام.. طلعت قميص زيتوني وبنطرون اسود وساعة فضية.. لان اتعودت بدون ما يكلي لازم اني احضرهن بدون حجي.. لبست دشداشة صيفية مادري اني ما احب البس دشداشة.. بس حبيت اجربه.. لونه اصفر وبهه الوان من الصدر.. ونزلت جوة..
محمد : رحت للحمام سبحت وطلعت.. لكيت محضرة الملابس.. ونازلة. لبست ملابس وحطيت عطر وعدلت شعري ونزلت.. محد ماكو الكل نايم بس علي كاعد بل الصالة وليان دا اتحضر الريوك.
علي : صباح الخير..
محمد : صباح النور..
علي : بصوت ناصي..اكول اشلونة الزواج وياك..
محمد : شهل الاسئلة من الصبح..
علي : اي اي تهرب من الجواب..
محمد : يا جواب..
علي : يلة نسيت الموضوع..
****
ليان : رحت للمطبخ حضرت الريوك سمعت صوت محمد نزل.. كملت الريوك ورحت للصالة اصيحهم.. يلة تعالوا اتريكوا كملت.
علي ومحمد : اي جينة..
محمد : رحت للمطبخ اني وعلي. شفت ليان لابسة دشداشة لونة اصفر يا الله شكد لايكلهة هل اللون.. ابد ما شايفه لابسة دشداشة..
علي : صباح الخير مرت اخوي..
ليان : صباح النور.. يلة كعدوا كملت كلشي بس أصب الجاي.. شفت محمد نضراتة غريبة بس حلوة اعيونة... صبيت الجاي.. تردون شيء راح اصعد..
