((قراءة ممتعة..))
*بعد مرور يومين..*
ليان : مرت يومين نفس الروتين بل البيت.. (ومحمد كل دقيقة وكل ثانية يثبتلي حبه.. حسيت فعلا هسه ارتاحيت بعد كل الي تحملتة.. صدك اني بسعاده اول مره احس بيها والها طعم يختلف قبل شكد جنت افرح باشياء صغيره وية اهلي ومدللة جنت اكول هذي احلا سعاده بس الحياه ثبتتلي العكس.. وهي هاي العبرة من الحياة و وجودنا انو مو كلشي نعتقدة أو نصدكة يكون هذا الصحيح...)... واليوم راح نروح لاربيل واخيرا كلش متحمسة لان هل مره صدك مختلفة عن كل مره اروح بيها.. لان وية محمد.... كعدت الصبح ب5 سبحت و توضيت وصليت.. ونزلت جوة سويت ريوك حضرتة وصعدت اكعد محمد.. دخلت للغرفة لكيت محمد كاعد ينشف بشعره..
محمد : مرت يومين ماكو شيء جديد... ( وحبيبتي ليان غيرت حياتي فعلا واني اعنيها.. كل يوم تكبر بعيني ويزيد حبي الها أضعاف أضعاف.. صارت مثل النفس اهتم بيها أكثر من روحي.. علمتني هواي اشياء وغيرت هواي اشياء بية للاحسن صرت اشوف نفسي بعيونها.. جنت اكره اشياء صرت احبها بس لان هيه تحبها... صح بيناتنا فرق افكار واهتمامات وحتى اطباع مع هذا احنا كملنا بعض.. مرات اكول مثلا لو شايف ليان بأي مكان وحجيت وياها جان مستحيل اختارها شريكة حياتي هاي اذا كنت افكر ازوج اصلا.. بس بعلاقتي وية ليان خلتني اعرف انو مو كل إنسان مثل ما يبين على شكله او مثلا مو من اول كلام احكم على الشخص.. وهواي اشياء... )
اليوم نروح لاربيل مثل ما وعدت ليان.. كعدت ب5 ونص جانت ليان نازلة جوة.. كملت سبحت وطلعت دا انشف شعري وجتي ليان..
ليان : صباح الخير حبيبي..
محمد : صباح الورد..
ليان : امم.. شوكت كعدت..
محمد : مصار هواي..
ليان : يي زين..
محمد : حبيبتي حضرتي كلشي.. ؟
ليان : اي كملت كلشي من البارحة حضرت الملابس وكلشي بل الجنطة.. هسه بس نبدل ونطلع..
محمد : عفية عليج حبيبتي.. بستها من خدها..
ليان : بانسي من خدي.. واني هم بستة.. يلا حبيبي كمل شعرك حتى لا تتمرض.. واني راح انزل من تكمل نزل حتى نتريك..
محمد : ماشي..
ليان : نزلت جوة.. وانتضرت حتى محمد يكمل.. وره شوية ونزل..
محمد : كملت شعري ونزلت جوة.. كعدت على ألميز...
ليان : كعد محمد واني صبيت الجاي.. وكعدت..
محمد : اكلي زين..
ليان : ما احب الاكل بل السفر كلش..
محمد : ليش..
ليان : ماادري.. !
محمد : حتلو متحبي.. تاكلين وانتي الممنونة..
