((قراءة ممتعة.. ))
ليان : حسيت على نفسي كعدت وجسمي يوجعني ونحلانة.. شفت محمد غركان بل النوم... اخذت التلفون شفت الساعة بل ٥... شربت مي.. وضليت بل الفراش.. لحد ما كعد محمد..
محمد : حسيت على نفسي كعدت... شفت ليان كاعدة..
ها حبيبتي كعدتي..
ليان : هاا...( سحرني وهوه يكول حبيبتي.. ) اي كعدت قبل شوية..
محمد : تردين شيء.. جوعانة..
ليان : لا.. بس كلش تعبانة وجسمي يوجعني..
محمد : شنو رايج احضنج ونتي تصيرين زينة..
ليان : هذا علاجي اصلا... تعال تقرب يمي بل الفراش..
محمد : مو خاف تتضايقين وتتحركين وإذا تتحركين موزين..
ليان : لا ما اتحرك بعدين الجرباية جبيرة..
محمد : رحت يمها وكعدت يمها ومددت..
ليان : جا يمي ومدد...
محمد : يلة تعاي بحضني..
ليان : فتحلي حضنة يمكن اكثر شيء دا احبه بي هوه حضنة... انسى نفسي بي واحس بامان مو طبيعي..حتى مو كادرة اوصفة..
محمد : جتي بحضني.. وضليت العب بشعرها..
ليان : محمد..
محمد : عيونة..
ليان : عادي اسئل سؤال..
محمد : اسئلي..
ليان : لو مثلا اتعرفنا اني وياك بغير مكان وغير ضروف.. جان حبيتني.. ؟
محمد : لا..
ليان : ليش..؟
محمد : لان اني ما انطي اي فرصة لحياتي العاطفية.. يعني مجنت اعاشر اي بنية أو افكر انو اتزوج أو اريد احب..
ليان : ليش حبيتني..؟
محمد : مو اني عاشرتج وحبيتج..
ليان : يعني لو ناطي فرصة لنفسك جان حبيت..
محمد : اي طبعا..
ليان : امم..
محمد : وانتي ليش حبيتني.. ؟
ليان : لان انتة احتضنتني.. ووكفت وياي وما اذيتني بشيء..
محمد : يعني لو تعرفنا اني وياج بغير ضروف مجان حبيتيني..
ليان : حسب الضروف.. يعني مثلا لو تعرفنا بجامعة لو صرنا أصدقاء وحبينا بعض واتزوجنا..
محمد : وعشنا عيشة سعيدة..
ليان : امم.. محمد شوكت اطلع منا كلش ضجت..
محمد : سئلت الدكتور كالت باجر تكدرون..
ليان : اووف..
محمد : لاتافافين.. لازم تبقين أهنأ..
ليان : ماادري كلش متشنجة اريد اطلع من المستشفى اختنكت..
محمد : تحملي بس باجر..
ليان : الله كريم.. ندك الباب وطلع محمد..
محمد : ندك الباب.. منو ؟ كمت من الفراش وفتحت الباب..
نور : اني..
محمد : فوتي..
نور : هلو..
محمد : هلة.. منو جابج..
نور : علي هسه يجي كال اطبك السيارة واجي
محمد : طلعت برة انتضر علي..
نور : شونك ليان.. شون صرتي احسن..
ليان : والله بعدني تعبانة حيل من العملية...
نور : الله يكومج بل السلامة..هانت بس خل الفترة..
ليان : الحمد الله..
محمد : وره شوية جا علي..
علي : السلام عليكم..
محمد : وعليكم السلام..
علي : شونك.. شو امبين تعبان..
محمد : زين مابية شيء..
علي : شونها ليان...
محمد : بعدها تعبانة من العملية..
علي : اي اكيد.. شوكت تطلعها من المستشفى...
محمد : على اساس الدكتور كالت باجر..
علي : الله كريم.. نروح شرب جاي برة..
محمد : يلة.. بس خل اجيب قمصلتي...
علي : يلة لبين ما اسلم على ليان...
محمد : فتنا للغرفة.. رحت اخذ القمصلة..
علي : السلام عليكم..
ليان : وعليكم السلام...
علي : حمد الله على السلامة..
ليان : إلله يسلمك..
محمد : ليان راح نروح نشرب جاي ونجي.. نور يمج..
ليان : ماشي.. الله وياكم..
محمد : طلعنا اني وعلي... جوة نشرب جاي...
ليان : ضلينا اني ونور انسولف لحد مااتعبت واريد انام..
نور : يلة كافي سوالف.. تعبتي نامي... عندج أدوية شيء تاخذيهن...
ليان : اي صح..
نور : بس لازم تأكلين شيء موزين..
ليان : والله ما أشتهي..
نور : والله هسه محمد ميقبل.. حتى لو فاكهة شوية..
ليان : ما اكدر والله...
نور : عنيدة.. طلعتلها الأدوية وشربت ونامت..
ليان : انطتني الأدوية وبس حطيت راسي نمت..
محمد : خلصنا وصعدت فوك.. وعلي رجع للبيت..
دخلت للغرفة شفت ليان نايمة ونور كاعدة تكلب بل التلفون... نور شوكت نامت..
نور : مصار ربع ساعة..
محمد : اكلت اخذت دواها.. ؟
نور : بس اخذت الدوة ماقبلت تاكل شيء..
محمد : شون تخليها تأخذ دوة بدون اكل..
نور : كتلها بس هيه ما رضت..
محمد : متبطل من عادتها..
نور : محمد اني عادي اكدر ما اداوم باجر واضل أهنأ.. لان ما اعتقد يقبلون تبات أهنأ..
محمد : لا انتي رجعي للبيت..
نور : لعد تبقى وحدها بل الليل خطية... خاف تحتاج شيء..
محمد : مادري..
