((قراءة ممتعة...))
*بعد مرور شهر...
ليان : مر شهر على العملية... مااعرف شون مضت هل الفترة على خير... كلش تعبت لحد ماشلت السيم والحمد الله حالتي زينة هسه.. رحت للدكتورة وفحصتني وكلشي تمام.. طبعا كلش تبهذلت بل الدراسة داومت ورة الإجازة واني مثل الاطرش بل الزفة... كوة يلة كدرت أنظم نفسي ووكتي واهواي مادة فاتتني... اخذت دروس بل المعهد حتى ادرس المادة لفاتت... ومحمد هم جان يساعدني... وباجر اول يوم امتحانات نص السنة...
يمكن هل الفترة جانت احلا واحسن فترة من تزوجنا اني ومحمد.. أشوف الحب يومية بأفعال محمد وكلامة وحبة خلتني اتمنى اضل هيج طول العمر..يومية يكول احبج ويتغزل بية.. طبعا بل الفترة الي جنت بعدني مريضة شفت اهتمام مشفتة بحياتي... وكمنا نطلع.... بس هم ماتغير شيء.. بس من ناحية المعاملة وكلشي زين... بس موضوعنا ماتغير شيء... وابد ماحجينا بي بعد.. اتمنى وادعي كل يوم نعبر هل المرحلة لان تعبت اريد ارتاح.. لا حبنا حب ولازواجنا زواج......
محمد : مر شهر... وليان صاارت زينة الحمد الله... واهتميت بيها مثل روحي... صااارت شيء بحياتي ماااكدر اوصفة... بس بعدنا بنفس الموضوع واني مو كاادر اتخطى السالفة.. تركتها لاربي.. إلى أن يصير شيء ويغير من حياتنا........
كعدت اليوم الفجر. كعدت توضيت وصليت...
ورجعت نمت...
ليان : حسيت على صوت المنبه يدك.. كمت رحت غسلت وبدلت لبست دشداشة.. و كعدت محمد... محمد محمد يلة اكعد صاار الصبح..
محمد : امم.. كعدت..
ليان : كمت فتحت الاضوية.. وحضرت الملابس لمحمد.. ونزلت سويت ريوك..
محمد : كمت طبيت للحمام سبحت... وطلعت بدلت وكملت ونزلت.. شفت ليان دا اتحضر الريوك..
صباح الخير...
ليان : صباح النور..
محمد : مكعدتي اليوم على الصلاة..
ليان : لا والله ما حسيت.. كلش تعبانة ونعسانة نوم..
محمد : يلة حبيبتي.. راح تبلشين سبوع وتخلصين.. اتحملي..
ليان : اي.. يلة اكعد مبقة شيء بس أصب الجاي..
محمد : رحت كعدت على الميز.. وليان تصبلي الريوك..
راح تضلين كاعدة مو..
ليان : اي...
محمد : كعدي اكلي لعد...
ليان : والله ما أشتهي.. بعدين من اجوع اكل..
محمد : لا تعاندين.. شون تقرين وكلشي ما ماكله.. كعدي كدامي يلة..
ليان : صاار..
محمد : عفية من البداية سمعي كلام..
ليان : اني على مودك لا تضوج من الصبح بسبي..
محمد : فدوة للي اتخاف اضوج..
ليان : كعدنا نتريك.. ورة شوية جا علي..
