((قراءة ممتعة... ))
ليان كعدت الصبح على صوت منبه.. ساعة 5... شفت محمد نايم.. كمت على كيفي بدون ما يحس رحت لبست تراك و توضيت وصليت ودعيت... رحت للصالة طلعت كتبي وكعدت اراجع المادة اخر مرة..
مر الوكت وصارت ب6 وربع هيج... رحت للغرفة فتحت الاضوية... واني دا اطلع ملابس محمد وملابسي... محمد يلة اكعد ساعة ب6 وربع...
محمد : حسيت الصبح على صوت ليان.. واني كلش تعبان وجسمي يوجعني.. ضليت بل الفراش..
ليان : رحت يم محمد يلة كوم.. شفتة تعبان ومو من عوايدة يضل نايم من اكعده بساع يكوم... تقربت يمة حبيبي يلة كوم ميضل وكت..
محمد : عوفيني مابية اكوم...
ليان : محمد بيك شيء مريض ؟ حطيت ايدي على كصتة صااير ناار... محمد حرارتك مرتفعة كلش..
محمد : مابية شيء هسه اكوم..
ليان : شنو ما بيك شيء... كوم يلة للحمام..
محمد : مااريد بارد..
ليان : لا تعاند.. سحبت الفراش منة وهوه بردان..
يلة فدوة كوم راح افتحلك مي بارد حتى تنزل حرارتك..
رحت للحمام فتحت مي بارد.. ورجعت للغرفة رحت على محمد كعدتة ولزمت أيده وحطيتها على جتفي يلة محمد ساعدني شوية..
محمد : جتي ليان كومتني.. كمت واني كلش تعبان..
ليان : رحت للحمام واني لأزمة محمد.. سحبت التيشيرت ونزعتة..
محمد : اخ باردة..
ليان : هسه شوية وتنزل حرارتك.. وكف محمد جوة ألمي البارد...
محمد : وكفت جوة ألمي.. ميت برد.. ليان روحي اطلع بدلي ميضل وكت وتريكي معليج بية..
ليان : شنو معلية.. اله تنزل حرارتك يلة..
محمد : امشي مو يروح عليج الامتحان..
ليان : خل يروح..
محمد : كافي اصلا نزلت حرارتي.. سديت ألمي..
ليان : بعد اوكف والله متنزل هيج..
محمد : اششة.. طلعت من الغرفة..
ليان : وين طالع غير تنشف روحك وتلبس يلة تطلع..
محمد : اووف..
ليان : اوكف أهنأ... راح اجيبلك منشفة وملابس..
محمد : ضليت بل الحمام..
ليان : رحت طلعت المنشفة وتراك ثخين... ورحت للحمام.. حطيت المنشفة على ضهرة.. واريد انشف شعره وما انوشة.. ياااربي شطولك...
محمد : راحت جابت منشفة وخاولي.. جيبي اني انشفة..
ليان : اخذ الخاولي مني ونشف شعره..
محمد : شو جايبة تراك.. جيبلي ملابس طلعة..
ليان : ليش اداوم..
