حبه يكفيني

البارت 20

((قراءة ممتعة.. ))

ليان : كعدت الصبح ساعة بل 5 ونص.. رحت سبحت وتوضيت وصليت.. ضليت كاعدة على السجادة ضليت ادعي واكول يارب دلني على الطريق الصح.. تعبت ومااعرف شنو اقرر.. اريد محمد يحس بية ويعرف الحقيقة انو اني بريئة صح ما الومة اي شخص ممكن يصدك ويسوي اكثر من الي سواه محمد بس تعبت... اريد نكون عائلة واني احبه  وحتى هوه يحبي بس نكابر بنفسنا.. يااربي انتة وحدتك تعرف الي بكلبي.. يارب افرجها علية ونبدي حياة جديدة وية ابنا مااريد نضل معلقين بل الماضي..... وهم اخاف انو ميتحسن الوضح واجيب الطفل وهوه الي يتعذب لان اكيد راح نضل مشاكل وإذا يتزوج محمد مستحيل راح اعيش مرتاحة... مااكدر اشوفة وية وحده ثانية وعندة عائلة... كل مرة يطلع بيها من البيت اتمنى اموت ولا افكر راح يمها... بس شسوي متحملة واني املي بربي كبير ومراح يخيب أن شاء الله .... كمت رحت بدلت باوعت على نفسي بل المراية.. وحطيت ايدي على بطني.. واحسن بشعور شغريب بعمري ما حسيتة بس كلش حلو... كلش اريد هل الطفل اتمنى ولد حتى يكون يشبه ابوه اريدة نفس حركاتة نفس شكله عيونة خشمة حلكلة.. حتى لو ماراح انتهنى بيوم وية محمد.. اريد نسخة مصغرة منة.. ياخد الحب الي بكلبي لامحمد... كلت خل انزل قبل مايكعد محمد ومااريد اباوع بوجهة.. نزلت وحضرت الريوك.. حسيت على أحد نزل..

محمد : كعدت ساعة بل 6 ونص... رحت سبحت ونزلت.. شفت ليان دا تحضر الريوك.. رحت يمها.. صباح الخير..

ليان : التفت شفت محمد... صباح النور..

محمد : شون صرتي..

ليان : احسن من البارحة..

محمد : اي زين..

ليان : محمد..

محمد : عيونة..

ليان : ((فديت عيونة.. ))... اني قررت..

محمد : شنو قرارج..

ليان : مراح انزلة..

محمد :(( حسيت كلبي راد يطير من الفرحة.. فعلا شعور حلو.. ضليت اكول بكلبي مااريد تنزلة)).... احسن هيه روح ليش تقتليها....
ليان : شفت عيون محمد لمعن وفرح... كلت بكلبي ياريت ايكون هل الطفل بداية فرح بل النسبة الي ولمحمد..

محمد : ممكن اسئل سؤال..

ليان : شنو هوه.

محمد : شنو الشيء الي خلاج تقررين هل القرار..
ليان : اهواي اشياء...

محمد : شنو هنة.

ليان : خليهن بل الكلب احسن..

محمد : من كالت خليهن بل الكلب سحبت نفسي حتى ما أجبرها تحجي.. انداريت اشرب مي..

ليان : محمد...

محمد : امم..

ليان : خايفة من شيء..

محمد : شنو..

ليان : انتة مو كلت اتزوج.. يعني راح اضل اني وابني وحدي اربي.. وانتة تروح تربي اطفالك.. مااريد الطفل يعيش بلا أب..
محمد : منو كلج بعدني اريد اتزوج...