حبه يكفيني

البارت 11

(قراءة ممتعة)
((صباح العرس))

محمد : نمت الليل كله جنت كلش تعبان.. وكعدت ب٨ ونص سبحت وكملت .. ليان جانت نايمة.. رحت جبت ريوك من جوة واجيت..

ليان : كعدت الصبح...حسيت محمد كعد جنت كلش تعبانة ما كمت من الفراش.. رحت طبيت للحمام غسلت ورجعت عزلت الغرفة.. وجا محمد..

محمد : جبت ريوك وصعدت للغرفة. لكيت ليان كاعدة دا اتعزل الغرفة.. رحت حطيت الاكل على الميز..  صباح الخير .

ليان : صباح النور..

محمد : اكيد جوعانة تعاي اكلي وياي..

ليان : ماشي جيت.. رحت وزعت الاكل.. يلة كملت..

محمد :  يلة كعدي.

ليان : كعدت اتريكت اني ومحمد..

محمد : اليوم اهلي مسوين عزيمة لعمامي وعماتي.. لازم انروح من وكت..

ليان :  اي خالاتي هم حيجن...كملت ريوك.. اني راح اروح اسبح تريد شيء.

محمد : لا روحي.. راحت ليان تسبح واني رحت ابدل..

ليان : رحت سبحت وكملت وطلعت.. لكيت محمد امبدل ودا ينتظرني.. شسورت شعري.. ورحت على الملابس حرت شلبس.. لكيت فستان أسود ومشجر احمر.. كلت البسة.. وحطيت مكياج.. وعدلت شعري.. كملت محمد.
محمد : طلعت من الحمام وراحت جوة لغرفة التبديل حتى تكمل.. ونطلع..

ليان : كملت يلة نطلع..

محمد : يلة.. ما شاء الله عليك ولا اتاخرتي.. يمكن بس ربع ساعة..

ليان : لعد اشلون غير اكمل.. لعد اطلع مبهذلة...

محمد : طلعنة من الفندق ورحنا للبيت.. اهلي كلهم موجودين.. امي استقبلتنة فرحانة هيه وأبوي..

محمد وليان : السلام عليكم..

ليان : وصلنة للبيت ودخلنة سلمنة..

رائ : هله يمة نور البيت..

ليث : هله وليدي..

نور : هله بل العرسان.. وجوهكم منورة..

رائ : لعد ليش ما تنور.. يمة إذا تعبانين روحوا ناموا..

ليان : لا عمة اني متعبانة.. بس اروح ابدل واجي..

رائ : ماشي بنتي..

محمد : رحت كعدت يم علي..

علي : ها بشر اخذته..

محمد : اي اخذته..

علي : اي الف مبروك..

محمد : تسلم..

ليان : صعدت فوك للغرفة اول ما ادخل اكو صالة بيهه مكتب وتلفزيون وقنفة واكو ثلاجة اصغيرة وبعدين اكو باب هاي الغرفة دخلت..  رحت لبست تراك اخضر ونزلت.. رحت للمطبخ.. ابيش اساعدكم..