-: "مابين الزنزانه والحجل"
-: رحيل القوافي .....
-: الحلقه السادس والعشرين ....
Ghadeer-1997
" " افزع والكه صوتي كبالهم مخنوگ
غير لكل فعل رد فعل وين الرد؟ " "
........
رحمه '''
اخذتهن ودخلت جوه من شافتهن نعيمه لغفتهن لغف مني
وهي اتكول هذا بيعه بهلكد وهذا ابيعه بهلكد غميتها بكلبي وفتت جوه شافتني امي جرتني من شعري وهي تكول ... انتي تبقين غمه لشوكت ابقئ اعلم بيج مره الثانيه اذا جبتي شي وانطيتي الهاي احركج فتهمتي لو لا.
اني بس اهز براسي عافتني وراحت تتعارك ...
اجه ثاني يوم رحت للشغل وجان بلال بالحديق من شافني ابتسم بوجهي وكال ...
...... فزيت من صفنتي على ضحك البنات أشرتلهم شكو رنه كالت ... هس تعرفين تعاي خلي نتونس بس هااا اللهم اني صائم.
شمال عدلت حجابها وضبته حيل عدلت كعدتها وجرت السحبه
وكالت .... حجيه ام تحسين ياحجيه ام تحسين رجأ الانتباه أريد ان استشيركي بشغله
جاوبته ام تحسين بضحكه ..... كولي يمه شعندج
جاوبتها شمال على اساس هي تحجي بالفصحه .... اوريد ان اعرف ما حكم الغش على الله او عند الله...؟؟
جابتها سحر بضحك .... عقابها في النار يا اختا في الدين
باوعتلها شمال بخزره وكالت .... اني ماحاجيه وياج شكو تحجين من يمج اااخ الله ضيعتي السالفه عليه هس منين ارجع الكلمات الي صالي ساعه اجمع بيهن.
.... جانت تحجي وتعض على ايدها والي يسمعها امجمعه كلامات تكول خطبه مو راح تفضح احد وتسود وجهه.
عدلت حجابها وغيرت نظراتها للبرائه وهي تكول .... اي حجيه ام تحسين ما كلتيلي
جاوبتها ام تحسين .... شوفي يمه الغش انواع اكو ايغش بالميزان واكو ايغش الناس بالحجي واكو...
قاطعتها شمال وهي تهز بديها و تكول .... لا لا ام تحسين مو هذا قصدي قصدي
هي كالت قصدي وكلبت عيونها على ام لقاء كامت ترفع بيهن وتنزلهن
رجعت كالت. ... اني قصدي الي ايغيش بالصوم ايمثل على الناس صايم وهو يشرب بالحمامات هذا باله شنو عقوبته كون مو بس نار جهنم هاي قليله عليه اذا اكو اضرب منها هناك كون تنشمر لان ماحبها.
.... ام لقاء انفضحت لان شمال الخبيثه طول ما هي تحجي تباوع عليها وتاشر بحواجبها عليها البنات افتهمن وطكنها ضحكه
شمال سوت مثل هذولي الي اليصيحون الله حي براسها وخلته بوجه ام تحسين وهي تكول ... اي حجيه ما جاوبتيني علي تساؤلاتي الفكريه والعقليه في ان وحده عندج خمس دقايق اذا ما جاوبتي تروح منج الجائزه يله غردي ...
جاوبتها ام تحسين .... عقوبته عند ربج وحده وهذا الفعل حرام اذا مايكدر ايكول ما اكدر بس مو يستغفل الناس يعني انتي تخافين من الناس وربج لا يعني هي من سوت هيج قابل ربها ماشافها مثلا.
أنت تقرأ
مابين الزنزانه والحجل
Любовные романыبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
