مرحبا 🌹🌹
-: "مابين الزنزانه والحجل"
-: رحيل القوافي .....
-: الحلقه الخامسه ....
Ghadeer-1997
" " البقى يم مرت أبو لمن ايغص بـ لزاد ينتظر الأسم لله وتوصله الوجعه " "
،،،،،،،،،،
رنيم ♪♪
اني حاضنه التيشيرت ورايحه بغير عالم فززتني رحمه باوعت عليه
وكتلها ...خير شكوو ..؟؟
كالت ... شمه راحت للضابط ...!!
رديت عليها .... ليش شكو صاير شي
ردت بخوف وشفايفها ترجف ...ماعرف رنه خاف دز عليها ايعاقبها لان ما ساعدتهم
رديت عليها ... اصبري خلي تجي ونشوف شكو انشالله خير
ردت ...انشالله بس والله خايفه
....بقت كاعده يمي رحمه واديها وشفايفها ترجف من الخوف بالي كله يم شمه هي من العركه الصارت ويا ام القاء وهي بس ساكته كلشي ماتحجي
بقينه نتظر جيت شمه على احر من الجمر شنو صار وياها وليش راحت العيون انفتحت علينه القلق جان كلش واضحه على وجهنه وهاي الرحمه مفضوحه
من تخاف تكوم ترجف حاولت اتمالك نفسي وشجعت روحي حتى اروح يم ام سميه واسئل على شمه وليش راحت اكيد اچلابها شمو الخبر وهس وصل الها.
وكفت كدامها باوعت عليه من ورا نظاراتها وكالت .... خير شتردين
رديت عليه ... شمال اخذوها ماتعرفين ليش
ردت بضحك ممزوج بسخريه ... شمال راح تكضي ليله حمر اليوم لا تنتظروها، نهت كلامها بضحكه.
... بقيت صافنه شنو ليله حمر شمه مستحيل اسويها ماتنطي جسمها لو تعرف تموت راح اتخبل اكو شي ثاني بالموضوع.
رجعت يم رحمه القلق والترقب مسيطر عليه واني على هذا الخوف والقلق اخذتني ذكرياتي لهذاك اليوم ...
بعد مارجعنه للبيت اني وسلام ثاني يوم داومت جامعه رحت للقسم مرام من شافتني اجتي من بعيد تركض عليه.
جانت عيونها بيها فرحه كتلها ... خير ياطير اليوم الفرحه فول شكو
ردت ... ولج صدت صيده كلش قويه
رديت عليه ... شنو قصدج ولج صدتي
كالت ... وداعتج صيده من خلالها راح اطلع فلوس الملازم مال سنه كامله
رديت عليها ... عوفي الصيده على صفحه اني مو جاي اشتريلج الملازم وياي بعد شكو
كالت ... لا ولج الى متى تبقين تشتريلي انتي بس اريدج وياي
جاوبتها بنفي ... لا مستحيل اجي وياج الـ اي مكان اني انسيني
ردت ... ولج لازم تجين وياي مو خاف هذا يتمادئ اكثر على الاقل انتي تلحكين عليه.
.... جنت خايفه من الروحه بنفس الوقت خايفه عليها وكعدت بين نارين بين ابقئ واتحمل ذنبها اذا صار عليها شي لو اروح وابوي ايدري بيه.
بالخير رحت وياها واني الطريق كله انصح بيها تبطل وشنو تريد اني انطيها بس هي جانت مصر على القرار.
طلعنه من الكليه وهو كل شويه ايدك عليها وهي اجاوبه كمنه ندخل من فرع ونطب بفرع لحد ماوصلنه المكان مابي احد باوعت عليه
وكالت بستعجال.... روحي اختلي بـ اي مكان بس اشوفين الوضع طلع عن سيطرتي تعاي بسرعه زين.
أنت تقرأ
مابين الزنزانه والحجل
Romanceبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
