-: "مابين الزنزانه والحجل"
-: رحيل القوافي .....
-: الحلقه الرابع عشر ....
Ghadeer-1997
" " چكليت بعرس.... معدان هيج اطشرت أسنيني " "
.......
شمال •••
حاول عمي يبقيني بس اني جنت ضايجه وعاجبني اروح انكت عيشت نسوان اخوتي صالي هواي عايفتهن بحالهم .
فزيت من صفنتي على رنه وهي تسحب الوصله من ايدي هزيت راسي الها شكو اشرت على الوراي انداريت لكيتها ام جابر وكف كلبي عبالي هو.
خلصنا كلشي ورجعنا للزنزانه وهي اشبها بالمحطات الاخير من العمر
اذكرت هاي الغنيه " نازل ياقطار العمر "
كعدت بمكاني بعد ما خلصت سبح وارتاحيت دورت بعيوني على رنه لكيتها حايره بسماح خطيه طبت بشهرها ومن الصبح تلوب
وكل ما تجيها الطلگ القويه تكوم تبجي وتكول ما ريد اجيب خاف ياخذوها مني على الاقل وجودها بداخلي مخفف مني هواي.
بس الوجع بعد ماينطاق والبنات كامن يحجن عليها من باب حرام واذا تتاخر تموت بطنها لا سامح الله اجوي اخذوها ودموعها على خدها تنزل
ماتريدها تفارك احشائها بجيت عليها حالها جان حيل يقهر مو بس اني نقهرت عليها الكل هنا اذكر العايفهم بره وشكد مشتاقلين الهم.
العدها طفل هنا حضنته حيل وخلته على صدرها لان لازم يجي يوم ويصير بينهم الفراك.
ابشع فراق يصير من ياخذون الطفل من حضن امه ايشلعو شلع شلون يشلعون الظفر من الحم.
دخل الزنزانه بحزن وخوصا بعد ماوصلنا خبر ولادتها بالسلام بس اخذو الطفله منها دعيتلها الله يصبرها.
اجتي رنه ام دميعه جانت تبجي وتكول ... اني جنت اتمنئ اصير ام بس الله ماكتبلي بس تعرفين احمدالله الف مره مصار اني ماتحمل اعيش بعيده عن ابني شمه خطيه خلي ايرجعوها الها.
كلام رنه وجن سچنه وتنغز بروحي اتذكر شي ماريد اذكره
هي موجوده بس بخيالي ماريد اطلعها وحجيها يخلني اذكر هي وين هس
وشكد بعيده عني ومن سابع المستحيلات انجمع بيها بيوم سجني راح يستمر عمر مو يوم لو يومين
.... بقينه كاعدين والسكوت عام على المكان كمت من مكاني وكفت كبال الشباك الصغير الصاير اعله شي بالزنزانه منكدر حتى انباوع من عنده
نزلت دموعي واني اعيد ذكرياتي والمواقف الجنت اضحك بيهن هس ابجي عليهن .
رجعت ذاكرتي ...
من طلعت عود زعلانه واني ضحك بكلبي على الرزاله الكلتها عمتي
خرب شكد خبيثه اني ومادري بروحي بس ياله تستاهل.
دخلت بيت اهلي من باب المطبخ شافتني مرت اخويه الجبير مادري ليش احس كالت بكلها لاهلا هيج مجرد حساس حسيت
أنت تقرأ
مابين الزنزانه والحجل
Roman d'amourبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
