-: "مابين الزنزانه والحجل "
-: رحيل القوافي .....
-: الحلقه الثانيه ...
Ghadeer-1997
رحلة الدنيا قصيره والفرح بيها
سراب ....
حب كل من يحبك اخر الدنيا
التراب ....
........
رنيم •••
ام سميه ابد ماتعوفني بحالي ودومها تركض ورايه لان مانطيها مجال وماسمع كلامها والمقويني اكو بنات وياي ايرفضن اي شي اتسوي
هي شغلها متاجره بالبنات وتريد هنا هم اتاجر.
باوعت عليه وكالت ... كومي ولج رنه اغسلي الحمامات.
ايعع كشت روحي رديت عليه ... اني معليه كل وحده تغسل وراها شكو انظف وراكم
فرت سبحتها واجتي بتجاهي تمشي على كيف اتقربت مني ولزمت شعري
كالت ... شعرج حلو مو اتحبين يبقئ لو ابترا لج بكيفج اختاري
سحبت شعري منها وكتلها ... الف مره اكلج عوفيني بحالي مالج دخل بيه
كالت ... لعد باجر اصبحين شعرج طاير ياحلو مو اني الي ترفضيلي طلب بسيطه
.... نزلت دموعي بقهر اجتي شمال وصارت بيني وبينها مسحت على شعري
وكالت وهي تباوع عليه ... هي هاي الي الله قدرج عليه بس بجي امداج اي والله
رجعت باوعت على ام سميه وكالت ... روحي خيه هس اني وياها نغسل وصخج.
زمخت عليها ام سميه مثل الهايشه من جوعر كالت ... ولج شنو وصخج
ضحكت شمال بضحكه مستفز كالت ... اتقشمر وياج شبيج حبيبه يله هس اني وياها انظف
ردت .. لا هي وحدها اتنظف
زفرت نفس حجيت قبل شمال ... مو كالتلج راح انظف بعد شكو تلحين دروحي ياعيني.
شمال تباوع عليه وتفر بيدها رحنه اني وياها انظف الحمامات انكسر ظهرنه واحنه على هاي الحطه طلعنه غيرنه ملابسنه وكل وحده مددت بفراشها اني فراشي صار فوك شمال من صرنه صديقات غيرت مكاني.
جرابي هنا ام الطابقين واني فوك لان اخاف انام جوه هنا ماكو امان الامان ضايع....
انضرب الباب حيل وهاي ام سعدون وكفت والعوده بيدها
كالت ... حضرو روحكم ونظفو الزنزانه اجه مدير جديد وفد شوي راح ايصير تفتيش.
شمال كالت ... الله اليستر شدو روسكم ياكرعان.
الوقت مايمشي وام سميه والحاشيه مالتها اموتيني وكل شوي امطلعه سالفه صفح جنت ابجي كاعد على جرباية شمال وشمال كبالي عود تواسي بي وهي تكرز حب شلون مواساة مادري.
انفتح الباب والكل وكف وشمال مستمر بالمواساة جانت ظهرها عليهم وجه عليه شو اباوع على سحر والبنات ايعدلن بروحهن شكو
شويه وصار شاب يجي عمره بالثلاثين تقريبا وكف وفوك روسنه
شمال اخذت كرفه مال حب وخلتهن ابحلكها تكرط بيهن حتى الحب مو مثل الوادم تاكله والحب تارس حلگها
كالت ... لاتبجين بعد روحي تروحلج فديوات ام سمسميه صدك جذب تبجين من ورا سمسميه هي بس شكلها ايطير النعمه بوويه الله ايساعد الجان مزوجها اكلج هذا شلون ايصبح بوجهه يمكن من صباحت الله يزوع
أنت تقرأ
مابين الزنزانه والحجل
Romanceبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
