-: "مابين الزنزانه والحجل"
-: رحيل القوافي .....
-: الحلقه الثامنه عشر ....
Ghadeer-1997
شايف من تضل تنعاد لايام
نفسها وماكو شي بيها يتجدد....
يجي شكم باجر وما يختلف شي
نفس البارحه بس عمرك ازيد ...
ساعتها العمر مستعمل يصير
واحلامك شويه شويه تنهد ...
صح ينكتب عايش بالسجلات
بس انت مجرد رقم ينعد..!
مثل الهوئ بالمكبره يدور
لاتخنك ولا يشتمك احد ..!
اكبر مشكله يواجه لانسان
اذا على المشكله يتعود ...!!
...........
رنيم ♪
اني اكره الموت واخاف من احد يموت بقيت أرجف وجسمي كام نمل وأسنوني صكت أيدي ماكدر افتحهن يبسن من الخوف.
جنت ارجف شمال فوك راسي تلوب مثل الطير المذبوح روح يمنه وتجي يسرئ حارت بدنيها.
ورا لحظات حسيت بقطعه من الثلج اتخلت على راسي الي صاير كتله من النار بقيت ادفع بيدها واضرب بيها اريدها توخر جاي اتأذه حيل.
بس محد ايحس بلوجع غير صاحبه ايكول "لا تشكي للناس جرحأ انت صاحبه ولايعرف الجرحا الا من كأنه به "
هاي جانت تنطبق عليه غمضت عيني ودخلت بعالم ثاني جان كله ابيض احس صوتي مخنوك شفت بابا وجان بعده زعلان مني
أتوسلت بي يسامحني بس رفض داره وجها وراح فتحت عيوني لكيتها فوك راسي تبجي كتلها .... شمال ماريد اموت قبل لا يسامحني.
مسحت دموعي وكالت ... من اطلعين منا سوي كلشي حتى تخلي ايسامحج.
رديت عليها ... اطلع منا وين اروح لا عندي بيت ولا عندي زوج كلها عافتني اني بالنسبه الهم عار والموت استحقاقي.
كالت .... اذا همه ايحبوج راح يسامحوج
رديت عليها ... شلون ايسامحوني واني جنت السبب بحرمانهم منها.
سكتت ماعدها جواب واني ماعندي حجي
وضعي كله تخربط صرت احس روحي طايره
والمي ايصب مني جنت بين الوعيه ولا وعي
بس اكلب بعيوني البنات جانن ايركضن منا ومنا الوحيده الي جانت عيني عليها شمال الي كسرت الباب تكسر من الدگ فلشته علمود يجون ياخذوني للمستوصف.
من الجهه الثانيه جانت رحمه ماتعرف شنو اسوي غير تخلي كمادات على راسي وعبالك اذب تيزاب عليه مو قراطت مي.
من ضمن كل هاي الهوس جان صوت ام تحسين وهي تقره ايات والمعوذات على راسي صوتها جان دافي وايدها ناعمه.
نزلت دموعي واني اذكر حضن امي اريد ارجع يمها ليش من نكبر كلشي يتغير ليش امي ماتسئل عليه ليش.
سمعت ام سميه اتكول ... هاي من الصدمه بس لا تنضرب جلطه
جنت مامستوعبه شنو ايكولون بس كل العرفه ماريد اموت منظر سماح راح يخبلني مجاي تروح من كدامي ماكدر امسحها.
أنت تقرأ
مابين الزنزانه والحجل
Romanceبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
