مابين الزنزانه والحجل

البارت السادس

-: "مابين الزنزانه والحجل"
-: رحيل القوافي .....
-: الحلقه السادسه ....
Ghadeer-1997

" "نتشابه بالقصص كل واحد وقصة ،وكل واحد بينه احزانه ماخذته" "
.........

ست نغم بقت أصبر بي وتكول هذا قدر الله انت شنو ذنبك
رد عليه بصوت عالي .... انتي تعرفين كلش زين اني السبب كل الصار اني السبب بي حتى انتي اول وحده لمتين وحجيتي عليه

ردت عليه ... لاتحجي هيج اني من حجيت جانت ساعة عصبيه مو قصدي والله
رد عليه ... هذا الشي راح يبقئ طول عمره امجلب بثوبي مايعوفني

ردت عليه ... لا تكول هيج هس تنسئ وصير سوالف وانشالله تبدا بالعلاج وطيب الدكتور كال مابيك شي بس من الصدمه رجليك وكفت انشالله بالايام الجاي اتكوم على حيلك وترجع الشغلك.

رد عليه بعصبيه الشراره تطاير من عيونه .... ومنو كلج اريد ارجع امشي لو ارجع الحياتي اني حياتي انتهت وبعد مالها وجود.

..... سحب العربان كعد بيها ورح لغرفته وعبالك يعرفها فات من يمي بستعجال حتى ما انتبه على وجودي طب وطبك الباب حيل ورا

حجئ زوج ست نغم كال ... مو كتلج لاتفتحين الموضوع بعد شكو تحجين لو تردين يرجع يمشي حتى يسحب الشغل مني

ردت عليه .... لاتخاف كلشي يبقئ الك بس لازم كل شويه انذكر بالماضي حتى ماينسئ ويطيب

رد عليه ... ليش ما تردين ينسئ اكو شي تعرفي
رد ت عليه ... اي الدكتور كال الحاله البيها هو حاله نفسي وبس تتحسن حالة ايطيب لان ما بي اي شي هو بس مصدوم والصدمه شلت حركته هاي هيه.

رد عليه ... اذا هيج لعد زيدي البهارات عليه
ضحكت وكالت ... مو تدلل وداعتك اله كل هذا الملاك اصير النه اني وياك وبس.

.... جنت اسمعها شلون تحجي على اخوها من يمي احترك كلبي عليه هو امبين مكسور وتعبان حيل بس الحزن والدموع الي بعيونه كلش كافي اتهد اكبر جبال بس اظاهر اخته اكبر حيه.

قررت اساعده ست نغم وزوجها مايستاهلون همه عايشن بخيره ويحجون عليه وهي اتكوم تكعد ادعي الله ياخذه بس حتى هاي الاملاك تبقئ الها.

شنو من بشر ادعي عليه علمود فلوس اتريد بشر يموت حتى تورثه مانقهرت على شبابه لا ابد مايمها.

هس اني اخوي شكد حقير ايصير وياي نوبات بس اموت عليه وما يوم دعيت عليه ابد.

لايام كامت تمشي واني مستمره بالشغل اخو ست نغم مايقبل اي مساعده مني جنت احب اغير عليه جوه بس هو رافض كلشي

وبيوم صارت عركه ...

فزيت من صفنت على جيت شمه للزنزانه راحت لفراشها ونامت ماحاجيناها انتظرنه اليل وبس الكل نام سوينه هجوم عليها.