مابين الزنزانه والحجل

البارت الخامسه والعشرين

-: "مابين الزنزانه والحجل"
-: رحيل القوافي .....
-: الحلقه الخامسه والعشرين....
Ghadeer-1997
شفتهمنه...
شفنه من عمرنه ....شفتهمنه
وهمنه اكبال عينگ.... شفتهمنه
ذبحنه وفوگ ذبحه شوف تهمنه
يكلهم بالذبح تعبولي اديه ...
..........

شمال •••

ومن سئلته كال ... من اريد شغله وما الكاها اكلب الغراض كلها
جنت كاعده على الجربايه ومخليه حياة بحضني اجتي رساله على موبايله
وجان مكتوب بيها.....

..... فزيت من صفنتي على صوت الطبل وجان موعد الصوم الكل كعد والضحكه مرسومه على وجهه ام تحسين جابت طبل بس هذا مال الصغر ايبيعو بالف.

اشاركنه كلنه بترتيب السحور ماعدا اثلاثي وصباح.

لان ماشاركو بأي شغله حتى بالتنظيف ما ساعدو مدينه السفر واشكال والوان جان بيها حتى صبيحه البخيله طلعت من اكلها وخلت

كعدنه وهذنيج بس يخوزرن بينه جنه نضحك ونسولف سوالف عاديه جان انسحبت ساره من مكانها وكعدت بمكانه صباح صبحي.

اتفاجئنه من حركته وساره بقت صافنه عليها حجت ام امل وهاي من النوع الوكحه كالت .... خير عيني ياهو عزمج لو ماكو كرامه

صباح صبحي باوعت عليها مثل الضاجت كالت .... اني من اهل الدار واكعد بدون عزيمه
جابتها ام بسام ..... لا عيني انتي هذاك دارج وهنا مالج شي ياله كومي خلي شويه كرامه عدج.

جانت تأشر على جربايتها كامت وهي عيونها شويه وتطلع من مكانها اني لا أراديه طلعت مني ضحكه لان صدك جان شكلها ايضحك وهي فشلانه.

مادري اني الخباثه تمشي بدمي واحب هاي المشاهد.
كملنا فطور وام تحسين خلت الكل أيصلي وهاي الفاهيه حتى وضوء ماتعرف واكعد اعلم وارجع ليوره بطلعان الروح يالا تعلمت.

كملنا كلشي وكعدنه نتظر هو صاح امساك واني العطش كب عندي اتكول عايش بصحراء والمي بس هس متوفر

يمه متت من العطش بعدها تتمدت بفراشي اجتي رنه يمي امبين ماجايها نوم وتريد اطيره من عيوني كالت .... اكول شوشو

جاوبتها .... كولي خير شكو اليوم.
كالت .... ياستار شبيج هس اني شسويت بس ما نعسانه واجيت يمج
رديت عليه ... بس اني نعسانه واذا طارت مني النعوسه اطيرج وراها

اشو هاي غمتني وكامت راحت كابلت ام تحسين وكعدت حتى المره كمزت من مكانها خطيه جانت كاعده تقره قران على حب الله ماشوف غير الشيطان كابلها

صدقت ام تحسين ولفت سجادته وكعدت تسولف وياها كمت رحت يمهن
هاي الحقيره بس شافتني كالت ... هااا خير سالمين شكو ليش اجيتي مو نعسانه روحي نامي

رديت عليه .... غير انتي طيرتيها من عيوني بعد شسوي
حجت ام تحسين ...انتي ياهي تردين تعرفين قصتها
جابتها الفاهيه ... ام امل شنو قصتها وليش هي هيج دائما ادور على حجه بس حتى تعارك.