-: "مابين الزنزانه والحجل"
-: رحيل القوافي .....
-: الحلقه الخامسه ولاربعين....
Ghadeer-1997
" "فگ حزنك كبل... لاتموت
وفگ حزني قبل ...لا اموت
چا هو الحزن جلد حيه وتريده ينزع بسكوت ...!! " "
.............
شمال •••••
الحمدلله اطمنت اذكرت الحبايه طلعتها الها وكتلها اشوف هاي شنو هي بالبدايه بقت تضحك وتكول شبون اعرف هاي شنو غير اجيبين الغلاف لو لعلبه هيج شلون اعرف بقيت اتوسل بيها
اظاهر اتعاطفت ويايه كالت راح ادزها للمختبر واشوف ماليش بس النتيجه ماتطلع هس تعاي بعد اسبوع.
... تانيت الأسبوع يطلع بفارغ الصبر والحمدلله خلص ومن رحت اتفاجئت بالنتيجه صدمتني ماتوقعت سهام تطلع نذله الهاي الدرجه.
الدكتوره صدمتني من كالت .... هاي الحبايه ادمر الرحم لو شربتي بس خمسه منها جان ادهورت حالتج وبوكتها جان لازم تسوين عمليه اتشيلين الرحم بيها انتي خوما اخذتي منها ...؟؟
هزيت راسي وشفتي يبست من القهر احس ريكي مابي ذرت ماي كتلها ... لا ما أخذت منها
رجعت للبيت واني ميته من القهر ليش هيج اسوي بيه ليش بشنو حملي يقهركم ليش اذا بطني شالت اتكتلو.
ليش يردون ابقوها حسره بكلبي اني شنو مسويتلكم ليش يا ظلام
وبهذاك اليوم بجيت بجي بعمري مابجيته.
حتي الهوئ انكطع عندي شنو الصار وشغيرها اني اخلص من عمتي تطلع صاحبتي صفح.
اااخ منج يادنيا بعد شنو نشوف اكثر ...
بقيت بيت اهلي اليوم كله وحاضنه حياة وخليتها بحضني وكل شويه وشامتها من ركبتها لو احضنها الصدري.
اجه سامر اخذنه باليل رجعت بس جنت حيل تعبانه من دخلت صارت بوجهي
ابتسمت من شافتني بس حسيت بتسامتها جذبيه مجامله.
كامت تحجي وتسولف واني افكر بيها معقوله كل هذا جذب بجذب
مشيت وعفتها تحجي وحدها.
صعدت بدلت خابرت وحده من خواتي لان راح اموت اريد احجي الحد اذا ابقه هيج اطگ واموت.
قبل جنت اسولف الها بس شو طلعت هي الخاينه والغداره.
دكيت ماجاوبت وبعدها هي دكت عليه حجيت الها كلشي واني دموعي تنزل ماوكفت كالت بعصبيه ... شوفي شمال اني ادري بيج قويه لاتخلين هاي تلعب عليج انتي العبي عليها
رديت من بين دموعي ... شسوي واني ماعرف شنو الغيرها وشنو غايتها
اااخ شيماء راح اموت
ردت عليه ... لج باعي وسمعيني زين اريدج تصرفين عادي ولا كأنو اكو شي وحاولي تصنطيني عليها وعرفي غايتها.
سديت التلفون منها واني افكر اروح وافضحها ماطول التقارير عندي
بس بعدها تراجعت وكلت خلي اعرف شنو غايتها
أنت تقرأ
مابين الزنزانه والحجل
Romansaبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
