مابين الزنزانه والحجل

البارت السادس والثلاثين

-: "مابين الزنزانه والحجل"
-: رحيل القوافي .....
-: الحلقه السادسه والثلاثين  ....
Ghadeer-1997
" "شنهي... يادمعي شعطلك شو ماجريت
   شنهي.... ماحسبت مايردونه
    بيش.... اذكرهم لو حان العتاب
   واحنه ....ماحاجين يس بعيونه
   وجانو ...يفهمون عينه شما تكول
   وهس نحلف يلا يصدكونه ....." "
..........

بعد ما وصلني سلام للبيت لكيت مرام واكفه بالمطبخ وتتمضحك ويا امي والله راح يموتوني ليش يصروفون وكأنو الوضع عادي عدهم

صعدت كبل الغرفتي بدلت ونمت من كعدت لكيت نورهان كاعد يم راسي باوعت عليها جانت تبجي هزيت الها راسي بمعنئ شكو ...

مسحت دموعها ولزمت ايدي كالت .... لاتنقهرين والله انتي حلو تتستاهلين الاحسن من عنده
كتلها ... شكو انو شصاير
ردت عليه بتوتر وهي تراقب وضعي  ... شوفي رنيم كلشي بهاي الدنيا قسمه ونصيب ومحد ياخذ اكثر من نصيبه صدكي وانشاءلله نصييج احله من التردي

عرفت بالوضع من نظراتها والشفقه وحزن عيونها لهدرجه اني مفضوحه بحب سلام ومادري بروحي اذا نورهان الي ماتنتبه على هاي السوالف منتبه الباقين شلونه شلون راح يخلص هذا الوضع واني بس انزل راح اشوف بعيونهم الشفق والعطف

رديت عليه واني اجر نفس واحاول اكتم جرحي بروحي ... شنو ليش كل هذا الحجي كولي نورهان.

ماحبيت ابين اني مهتمه اله ردت الكل ايشوفني عادي بالوقت الي جاي اموت بي الف موت كالت وهي تحاول ويا كل كلمه اطمني وتقلل الخوف الي عندي كالت .... اجئ سلام وعمو بلغونه بخطوبة سلام من شهد بت عمو

رديت عليها واني ارسم ابتسامه جانت للكل فرح بس هي انكسار وخيبة امل وكسران كلب كلبي بهاي الحضه مات وصار فتت اصغير ياريت الوكت يرجع جان ماحبيته بس هو الوكت الغبر شلون يرجع

المشكل اني بعدني احبه واريده الي رغم كل هذا
نورهان جانت اصبر بيه واني جاي اموت عبالك جايه اتعزيني

حاولت اطمنها وكلبي يصرخ بوجع ويكول اني اريد احد ايطمني ويكول سلام الج ماراح يصير الغيرج.

كمت وياها واني حاضنه اديها جانت نورها منهار وتبجي علمودي حيل من باوعت عليها ستغربت وضعها معقول وضعي لهاي الدرجه مرزي

وكفت كدام المرايه جان شكل هو هو حتى عيوني مامبين بيها البجي لعد ليش هي هيج باوعت عليها وكتله .... شبيج نورهان ليش كل هذا البجي انتي مافرحانه راح يصير عدنه عرس ونركص چوبي اني وياج

ردت عليه وعينها بعيني .... رنيم لا تكتمين بداخلج ترئ تموتي شويه شويه احجي واصرخي وعيطي بس لاتبقين ساكته الكل يعرف بيج اتحبين سلام وعيونج فاضحتج اني جنت اشوفج زين من شوفي شيصير بحالج.

انتي لو جنت باتعس حالتج هو الوحيد الي يكدر يرسم ابتسامه على شفتج
رنيم ترئ وجع الكلب مال دوه ولا تحاولين وتكولين اني كدها وراح انساه مستحيل اني جربته قبل والله والله بعدني لليوم اموت الف موت من اذكره لو يمر اسمه كبالي لليوم رنيم من اتخيله ويا غير اموت