مابين الزنزانه والحجل

البارت التاسع والثلاثين

-: "مابين الزنزانه والحجل"
-: رحيل القوافي .....
-: الحلقه التاسعه والثلاثين ....
Ghadeer-1997

" "الأ ليت المشيب يعجل وياي لسولفه المصايب من جنت شاب" "

.......

رنيم ♪

رديت عليها واني احرك بشعري بدلع ... هاي ورمانه من النوم لان مثل ماتعرفين اني مدله عد اهلي اكل ونوم مو مثل غيري تكرب من الصبح لليل وهي بيتها خايس لان هي خايسه چاوو كلبي عندي عرس ولازم اشتري ماحب البس قديم.

طلعت من البيت لكيتهم منتظريني بالسياره بقيت اتعارك ويا سامي علمود اكعد ليكدام هو بقئ ايداهر بيها يريد اينسيني شوي

بس شنسه وكلبي محترك حرك. وصلنه يم مجمعات ودك موبايل اسامه جاوب جنت اسمع كلام بدون اهتمام جان يحجي عادي وانطئ مكان وجودنه

باوعت عليه لكيته يباوع عليه ابتسم وكال .... راح تبدا حرب الاعصاب واريد اشوف الدكتوره رنيم الترفه وهي تمثل القوه.

باوعت عليه بستغراب مامفتهمه شنو ايكول رديت .... شكو شنو راح ادخل حرب ويا هولاكو لو احرر فلسطين شبيك اسامه.

ابتسم ابتسامه حزينه اعيونه جانت بيها دموع بس يحاول ينطيني القوه
كال .... شويه وتعرفين شنو اقصد بس مثل ماتفقنه اريد رنيم القويه ديري بالج اضعفين لو تبيني اي شي

افتهمت كلامه وعرفت منو راح يجي لان العيون ماجذب اسامه عيونه فاضحته من كلامه بالموبايل حسيت ضاج توقعت هو وطلع صدك هو

نزلنا وصرنه نفتر بين المحلات جانت الدنيا طالعه من عيني وكلشي مو حلو هاي لو بغير ظرف وزمان جان اخذت الفساتين كلها

بس كلبي مايطني اشتري شي الخطوبته جنت مقهوره حيل احس الهوئ مادخل الريتي ليش احبه مايحس بيه ليش اعشقه هو راح الغيري

ليش كلبي ايدك بس اله ليش عيوني ماشوف غيره اااخ ياكلبي وبعد وبعد
كتلك انسئ بس ماسمعت مني كتلك عوفه غلست عليه

اخوتي جانو يحاولون ايغيرون عليه جو رغم اعرف صعبه ضرفي هذا على اخواني الشباب جنت افتر بالممرات واسامه وسامي واكفين جاي اقترب منهم بس جان ظهرهم عليه

سمعت سامي كال .... لك اني كوه لازم نفسي من عدها
رد عليه اسامه .... عوفها هي هس مو بوعيها بعد مصدومه
جاوبه .... لك شتحجي انت وين صاير اخ يواسي اخته لان حبيبها راح يزوج هاي بيا عصر وين صايره كل شويه واكول راح اكوم اخنكها بس من اشوف دموعها وحزن عيونها اسكتت
رد عليه اسامه ... هو اني شمعذبني غير عيونها لك رنيم ترفه مثل الورد واقل هبت هوئ ادمرها هس هي بحالة صدمه وستغراب خلي بس شويه تتعود على الموضوع ترجع مثل قبل وبعدين انحاسبها.

رد سامي بعصبيه ... زين سلام عنده علم بحبها اله
رد عليه هو ايطمنا.... لا مايعرف بيها هي كاتمه حبه بكلبها محد يعرف بيها غيرنه بس اني حنت كاشفها من زمان من تشوفه تتغير وتصير تضحك للهوئ حتى لو جانت باتعس حالتها بس تسمع صوته ترجع بيها الروح حبها اله فاق قدرتها اني ماشفت مثلها.