مابين الزنزانه والحجل

البارت الرابع والاربعين

-: "مابين الزنزانه والحجل"
-: رحيل القوافي .....
-: الحلقه الرابعه والاربعين  ....
Ghadeer-1997

" "صح بعيد بس يالله شكد الك بروحي مكان " "

...........

رنيم ♪

وكامو ايضحكون بصوت عالي ونسيم تهمس باذني اضحكي صرت اضحك ودموعي تجري رفع ايده اسامه سلم عليهم وطلعنه وكلها جرت نفس

صعدت ليوره وشمرت روحي على الجامه واني شهكاتي تعله وتعله.....

وصلنا للبيت رحت كبل للغرفه جان الكه .....

..... فزيت من صفنتي على ام القاء وهي تحوس كمت وتقربت من عدها جان اسمعها كالت... ام سميه اخذوها للمستوصف
ردت عليها نيران ... ليش شبيها
جاوبتها بقلق .... معذبيها حيل وحتى مغتصبيها وهي مامتحملها صاعد عدها الضغط.

خليت ايدي على حلكي من الصدمه عابت شلون نفس عدهم يعتدون على وحده بكد امهم لعبت نفسي

هذا ياطايح حظ نام وياها وهي حتى كرشها اربع مترات لليفوگ. 

رجعت يمه رحمه وعيني على الباب اتاني المأجو
اشتاقيت الهم هواي حيل هواي.

حتى هاي بطلت تجي عليه ودزلي الغراض بيد الحراس ومسويتها عليه منيه بعمرها ماجان هذا اسلوبها ويايه

نزلت دموعي من اشتياقي الهم اريد احضنهم الحد ماينكط النفس
هم احس قليل مايكفي شوگ الهم.

كل جرح يهون بس جرح الكلب جمار ويسعر بنص كلبي
كل ما افكر انو ممكن هو ايكون بحضن غيري اموت الف موته بالدقيقه.

نوبات اسئل روحي اذا رجع بيه الزمن هم احبه لو هم احبه
عقلي وكلبي دوم متناقضين بس بالنهايه اطلعه بـ كلمة هم احبه.

سرحت بشريط الذكريات واكثر وقت بي كرهت روحي وكرهت كل الناس....

بعد ما رجعنا للبيت دخلت غرفتي لكيت الكح...  مرام كاعده بيها
من شافتني سدت التلفون هزيت ايدي وضحكت.

باوعت عليها وحجيت.... اني مو كلت ذيل الجلب ماينعدل والكحب... لو تابت صارت كواد... انتي مثل البزون ياكل وينكر هذا الشي يمشي بدمج.

جان الخوف مسيطر على جسمها امبين من رجفت شفايفها جان امبين عليه الخوف كالت .... والله جنت مجبوره لان ايهدد بيه يروح الاهلي يفضحني

رديت عليها .... اي وانتي بالمقابل شسويتي نمتي ويا بالتلفون لو دزيتله صورج عريانه لو مقطع فديوه اعرف هاي سوالفج.

ردت عليه بجي ... فدوه رنيم استري عليه الله يستر عليج كتلج هددني وبعدين والله ولاشغله من الكلتيهن اني سويته بس جنت احذر بي فدوه لاتحجين

دفعتها عني وكتلها .... اي وشلون حذرتي بوسه وبعدين اني شعلي اني بيج كل لشه تتعلك من كرعانها. وهس اطلعي بره لان ماطيق اشوف شكلج القذر.