-: "مابين الزنزانه والحجل"
-: رحيل القوافي .....
-: الحلقه الثلاثين....
Ghadeer-1997
" " يادنيا امطري هواي سويها طينه بالكي يزلك حيبب الروح ويمر علينه "
...........
رحمه''''
راسي بالرفض وكتله .... محد زعلني بس فدوه ستاد بلال كول الست نغم خلي اروح للبيت
هز راسه وكعد بعربانته طلع وطلعت ورا صار كبالي والضحكه النكسه مرسومه بوجهه جان ايشلي بحركات حيوانيه مثل حجه ويا ست نغم وهي خزرتني وكالت .... روحي.
.... فزيت من صفنتي على لحظات الوداع جانت تلم بهدومها بعد ما اجاها العفو ولان اعتبرو جريمتها جريمة شرف وهو هذا الي لازم ايصير
وكفت وكالت .... تعرفون شنو اول شغله راح اسويها
جاوبتها ساره ... شنو بالله بس لا راح ترحين الكبره وتبولين فوگ
ضحكت وكالت .... هاي اسويها بس مو هس لا شغله ثانيه
ردت عليه ام تحسين .... شني يمه شسوين بس كون شغله ماترجعج هنا.
ردت عليها.... لا يمه اسم الله مستحيل اسوي شي ايرجعني هنا اول ما اطلع راح اسجل بمدرسه مال محو الأميه علمود اتعلم اقره واكتب ومحد يضحك عليه
ودعنها وراحت عافت الأشياء الزين وزعتهن على البنات واخذت عنوان ام تحسين حتى اتزورها.
راحت ام أمل وبدأيت أمل جديد بحياتها جانت طلعتها حلوه مثل عركاتها هي من الاشخاص الطيبين بسرعه اصير عصبيه وبنفس الساعه تندم وتجي اصالح
ورا طلعتها هواي عيون جانت تتمنئ اتكون بمكانها وهاي حسرات طلعت من كلوب مجروحه وكتلها الفراك بقت ام تحسين تدعي الله احنن اطفالها عليها ومايطردوها.
مشيت بخطوات بطيئه لفراشي نوبات اتمنئ اطلع منا اريد اعيش حالي حال هاي الناس بس السكوت والخوف من المجهول هنه ياخذن الانسان للتهلكه.
اني لو حاجيه بهذاك اليوم لبلال على سوالف زوج ست نغم جان اني هس مو هنا بس خفت خفت ايجذبني مايصدك بيه
خفت تتغير نظرته الي الخوف جان مانع قوي بحياتي خوف من امي وخوف من مرت ابويه وخوف من حزن صادق.
اي اني جنت احب صادق اخويه حيل هوواي ماجنت اريد ازعله مني بيوم لو يخجل بسبب اني سويته بذنب او بدون ذنب عشت عمري ويا واني اتمنئ من عنده كلمة حلوه بس هو جان قاسي ويايه خاصة بعد ما سافر اخوي
وختفئ صادق صار وحيد وعبالك مايريد يتعلق باحد لا يخسره
بس اني جنت احبه بيني وبين نفسي بدون ماتقرب عليه او ادنه منه حتى لو حاولت اتقرب راح الكه الصدئ والرفض منه.
.... اجتي شمال ورنه كعدن يمي شمال باوعت عليه وكالت .... بشنو سرحانه بس لا عاشكه اني خايفه منج
أنت تقرأ
مابين الزنزانه والحجل
Romanceبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
