مابين الزنزانه والحجل

البارت الاول

السلام وعليكم 🌹🌹
-: مابين الزنزانه والحجل
-: بقلم رحيل القوافي ...
-: الحلقه الاول ..
Ghadeer-1997
" " مو كل جرح بالروح تركض تداوي
بيهن يعيش وياك ولازم تخاوي " "
...........

"رحمه "
مغمضة عيني وامشي كوه مستنده على الحايط ..شفت كبالي حمامة بسرعة مشيت شلته وبيدي الكلبجات

شفته مجروحة حجيت بصوت ناصي -:
- هذا هم قدرج جابج لهنا مثلي بس انتِ تكدرين تطيرين وتنهزمين منا .

ما احس اله على ضربة بـمؤخرتي قوية شهكت .. حطيت حمامة بلكاع ومشيت استندت على حايط .. اليوم محكمتي ..شنو القرار اليصدر عني
سجن مؤبد ..!!

رفعت راسي للسماء حجيت بتوسل ورجاء -:
- يالله دخيلك انت تعرف اني مالي ذنب بل سويتة ليش اتحاسب على جريمة غيري ..!!

غطو وجهي بشي اسود وصعدوني للسيارة اريد امسح دموعي بس ماكدر ايدي مكلبجيه .. اخذتني ذكرياتي لـ ايامنه ..اذكرت مره
طلعت من بيتنه اروح البيتهم والدنيا مطر ..

هو جان كاعد يلعب بلحيته ابتسمت لا ارادي هو شافني هز ايده عباله احد ايجيبني مو وحدي اتقرب وشايل كلاص الچاي والشمسيه كال بصدمة -:

باوع عليه وكال ..انتِ شلون تجين وحدج ماتخافين طلعين وحدج للشارع ؟؟

ضحكت بخجل حجيت بصوت ناصي -:

رديت عليه ... وماكو شي اخاف منه اني يوميه اجي وحدي .

كال ... فوتي لاتتبلين وتوكعين مريضه شيخلصنه من مرت ابوج.

- لا ماتمرض اني

- اي مو صخره وماتتمرضين .

انقهرت اني مو صخر اني بشر و احب وهو مايحس بيييه ..!!
تعبت واني اعاني من طرف واحد وهذا المايرضه يحس بيه ..

فزيت من ذكرياتي من نزلوني وطببوني للزنزانة ..وخرو الغطة من عيني وفتحو الكلبجة من ايدي الصايرة بنفسجي هلكد ما مضغوطة ..

طب ضابط وقفل زنزانة .. كال بخباثة -:
كال وعيونه تباوع عليه بخبث ... شلونج هسه طبيت وكالوا اجت وحده جديدة .
حجيت وكوه الحجايه تطلع مني ...شنو تريد مني؟؟؟

هو نزع سترتة وفتح قميص واتقرب بلعت ريكي كبل عطت بس محد يجي ولا احد يسمع صوتي .. السجن والحراس صم ، بكم ،جنت حيل خايفه

اني بعدني ابنيه واحب وعندي هواي احلام .....

حجيت برجاء وجسمي كله يرجف ... بستر خواتك خويه عوفني والله ماسويت شي الله يستر على عرضك.

باوعليه بنظرات مستفزه كال ... كلها من تجي هنا اصيرون ابرياء واحنه الظلام
ردت عليه ... لا والله اني مالي ذنب صح اكرها واموت منه واشوف دم سنوني ولا اشوفه بس والله ماكتلته.