-: "مابين الزنزانه والحجل"
-: رحيل القوافي .....
-: الحلقه الواحد والثلاثين ....
Ghadeer-1997
" " اريد اسئل العاشك والعند محبوب
ليش الكلب يشتاك وكت الغروب" "
.........
بعد ماضرب سلام الولد بالسياره حيل بحجت الشقئ اني عجبني الوضع وين صير سيارة الولد اروح ادعمها وهو يتخبل يجي يضريني.
خلصت العبه ونزلنه منها وهو يرزل بيه جانت رزالته احله من غزل كاظم الساهر.
أجتي نورهان يمي كالت... سدي حلكج لمن فاتحة ترئ هو رزلج ما مدحج ولج سدي فضحتينه الله ايفحج.
باوعت عليه .... يااا شبيج وياي وبعدين عليمن تحجي
ردت .... على ابوي بس صدك اشو السالفه بعد محد فتحها
رديت عليها ... مو عيب عليج شنو تردين ايفتحوهاااا. ؟؟
ضربتني وكالت .... عابتلج شكد حيوانه اني وين احجي وانتي وين تحجين هذا التحليلات اخذت عقلج وصرتي منحرفه
.... عافتني وراحت دردم هس اني شنو كلت حتى تروح قابل سابه ابوها جنت فرحانه شعور حلو من تشوف الي تحبه يهتم بيك حتى لو جان يعتبرها شفقه بس بالنسبه الي اعتبرها حب.
كعدنه على الثيل نسوالف اتمدد سلام وخله راسه بحضني باوعت عليه وهو عيونه جانت عليه كال ... العبي بشعري خلي انام شويه
ابتسمت وغرزت اصابعي بين خصلات شعرا المتموج جان شعره بي شكار هو الوحيد عد اهله اشكر يعني مو اسمر مثل محمد الو البنات هو حيل حلو
حتى لو ايكولن عليه اشكر فاهي اني اموت على الفهاوه
طبعا هو ابد مو فاهي ولا يمه الفهاوه بشي بالعكس نار وشرار بسرعه يعصب وتكب السوادين عنده.
جنت صافنه بوجهه وبملامحه الرجوليه رفعت راسي وصار عيني على اسامه جان وجهه ضايجه وهو يباوع عليه خجلت من نظراته
حسيته عرف بمشاعري لسلام شويه وانطئ ضربه الـ سلام وخلا يطفر من مكانه كال .... ياله نروح
طلعنه من المتنزه جنت اتمشئ واتمايل بمشيتي صار بصفي وكال .... امشي عدل بدون ماتهزين.
مشيت عدل كلامه امر بالنسبه الي جاي نصعد بالسيارات اسامه صاحني اركب ويا ضجت بس رحت ماردت ايشك بالوضع ويسويها قصه عليه.
صعدنه وهو يباوعلي من المرايه اشرتله شكو هز راسه وكال من ورا خشمه ماكو شي ...
صلنا للبيت ولكيت هناك الصدمه الي بعمري ماجنت اتخيلها حتى احلامي مومعقوله ...
...... فزيت من صفنتي على ام سميه وهي تتعارك ويا نيران وشويه وصار بينهن امالخ من الراس
كمزت شمال من جربايتها وهي تصيح ..... السبع ايطلع دم السبع ايطلع دم
وتصفك وتهوس ومسويه جوه عبالك حلبه كدامها مو نسوان شو هاي كمزت على الجربايه وكفت عليها وتصوفر بصابيعها
أنت تقرأ
مابين الزنزانه والحجل
عاطفيةبين قضبان الحديد لقد رميتني ياحضره القاضي .. انك معروف بل عدالة ولكن لا ارى انك عادل .. ان قتلت هذا لا يعني اني مذنبة ليس جميع شاربون الخمر في جهنم ..!! بين ازقة الحديد امشي وحريتي مسلوبة مني .. لا يوجد سواء صوت الصريخ.. في بلدنا لدى القاضي قانون...
