انا الاقرب منك اليك

البارت الاول

每行的末尾總是有一個點，在遇到逗號時不要急於將其放下。

حياتي تماما تشبة الحكمه الصينية👆 هيج كلشي مافهمت من حياتي وحياه اهلي شي ..راح اقص حياتي من بعد استلامي للنتيجه الاعداديه ومن بعدها تغيرت حياتي تماما وتغيرت "حور "همات ولان حياتي طبيعيه جانت حالي حال اي طفل عاش طفوله ومراهقه حلوةبظل اهل ماكو مثلهم فراح اقص حياتي من انهيت السادس اعدادي ....

هاا الحكمه الفوك تكول "هناك نقطه نهايه تضع كل نهايه سطر لاتسعجل عند وضعها وانت تملك الفواصل!! "

:
:
:
:
:
:
:
:
::::
:
^_^

حور زهير جدوع

صاح اسمي اٌس اس بصوت عالي من الخوف غمضت عيوني وصحت

هااا بشر !!

اسامه: فتحي عينج وتعاي

فتحت عيوني شفته دنك راسة باسف وكال

اسامة: بدرسين للاسف

نزلت دموعي بقهر اني جاوبت والله جااوبت ليش بدرسين اجت ابالي تعبي وسهري على الامتحانات كمت ابجي حيل سمعت صوت بابا ومينا يرزلون اسامة

بابا: شوكت تعقل هااا فرحان من تشوفها تبجي!!

اسامة بضحكه :هي قشمر بسرعه تصدك

مينا قتربت على شاشه الحاسوب شافت نتيجه رفعت راسها تضحك

مينا: مبروووك حوري ناجحه بمعدل 80 الف مبرووك

كمت اكمز ودموعي اثرها على خدي بابا حظني باس راسي فرحان كالي

بابا: اني واثق بيج كدها عفيه بالسبعه رفعه راسي الف مبرووك اميرة ابوها كبرت وراح تروح جامعه

اسامه: واني ياغافلين الكم الله بعدني مبسط بالسادس

مينا اجتي حظنتني باركتلي فرحانيين وبابا كاله

بابا: لانك اعوج طلعوكم غش

اسامه: لا يابا لان توأم لازم واحد يسحب حظ ويصير مجنص وحور سحبت حظي الحلو كله

حور: وانته سحبت العيون الملونه وعيونك ملونه وعيوني سودة 🥺

بابا: هو احد يتغزل بالعيون الملونه مو كلها تتغزل بالعيون السود

اسامه يغني ويقترب مني

اسامه: يام العيون السود ماجوزن انا خدج الكيمر وانه اتريك منا ..

باسني بخدي حظني يفر بية ضحكت بصوت نزلني وكال ل مينا

اسامه: هسه اخر سنه الج تتخرجين وهاي اول سنه لهاي الثوله توأمي علميها سوالفكم حته ماينضحك عليها بسرعه

ضربته بايدة : يعني انته هم اثوول واحترم شويه اني اكبر منك

فرني بايد وحدة وكال لمينا يشهدها على طولي