انا الاقرب منك اليك

تكمله البارت الثاني والعشرين

‏كان يعرفُ أن ليس بإمكانكِ أن تحبيه لأن أحزانه عصيّة على الفهم ، مثل لغز ، ولأنه ما كان يملكُ أكثر من أن ينظرَ إليكِ بصمتٍ ، مكتفيا بمعجزة وجهكِ الذي تنفجرُ منه رغباتٌ مبهمة ، يملكُ أن يحققها لكِ ، سوى أنه يفضل ألا يكون دخيلا على حياتكِ ، فيقلبها عليكِ ، كما قارب في إعصار..

خفت فتريت رايحه جايه تلفوني مو يمي استنجد بجيداء باسامه ببابا تالي شربت كلاص مي ريكي نشف  وكعدت احاول مابين ضعيفه كلام جيداء يردد باذني حجيت مسويه نفسي مسيطرة بس كلامه خوفني اول صدمات كالت هاي حسيت قضت على حيلي

اسر: شووفي حوور الصار صح تمنيتج بالحلال وصرتيلي وخجلان من اهلج بس مو بايدي وعلي شي صار الحب مايعرف شوكت يجي

قاطعته: شتحجي انته اسر خاف شارب شي مينا وينها من حياتك حتى تحب اختها لتكرهك

فرك وجه: ميناااااا تعرف وسكتت تالي هي سأعدتني ارتبط بيج بحجه مرضها مينااا اصلا مو مريضه............

قاطعته كمت فازة من مكاني رافعه اصبعي احذرة : لتجذذذذب مينا متسووي هيج متسوووي لعيت نفسي منك ومن جذبك هاي وانته من بيت ساده تريد تلعب بعقلي مثل مالعبت بعقل مينااا

كام صار مقابيلي صاح: كعدددي وافتهمي وتالي جذبيني لو جذبيهاانه هم مليت ردتج وحبيتج اي نعم احجي بكل صراحه بس وربي يشهد دعيت وتمنيتج بس ماكلت لاحد بقيتج شي بنفسي مايعلمه غير علام الغيووب ..

قاطعته: لعد اذا شي مايعلمه بس الله ميناااا شلون ساعدتك مو توك تكول ساعدتك مينا مريضه اسامه جاب تحاليلها من المختبر شتحجي

عافني احجي كام يفنر كدامي رايح حاي جان كلاص ع ميز بي مي شاله ورشه على وجهه.وشعر راسه وهز راسه باوعلي شوي ووقرب بتوسل يحجي

اسر: بروح امج وغلاه اسامهاكعدي افهمج لا كل شوي كامزة كوة مجمع حجاياتي ادري صعبه بس ما هان عليه تظلين ماتدرين. ماريد اطلع انه الخوش لا انه العايل بس يشهد ربي شي مو بايدي صار اكعدي يبت الناس واسمعي للتالي

بلعت ريكي كلبي وجعني اذا صدك مينا جانت تجذب وورطتني بس كرهي لاسر خلاني اكعد اسمع اعرفه يجذب  مينا عقلانيه اكثر مني بهواي واكثر من حلا ممعقوله تطلع هيج طلعه واثقه باختي كعدت وكلت اسمع اكيد من احجي لمينا راح تجذبه ممعقوله تسكت وهو  يتبلى عليها

اسر بقى واكف واني كعدت ع قنفه بس رافعه راسي لاتجاه اسر

اسر: تردين  احجيلج السالفه كلها لو انتي تسالين ليريحج امشي بي

حور: ممصدكتك ف احجي كلشي واريط حجيك اني وارجع اكولك ممصدكتك اني مو مينا. تصدكك

اسر تنهد وفرك وجهه بثنين ايده يمسح لمي اللي رشه قبل شوي على شعرة وينكط