انا الاقرب منك اليك

البارت السادس والعشرين

أحبكِ عندما ترتفعين ،
‏عندما تصفعكِ الحياة فترفسينها ، ثملة بأحزانكِ ، غير مهتمة بالعالم الذي يحك رأسه ، حائرا ، وأنتِ تفركين الصدأ عن اللؤلؤة ، وتبتسمين كالبلور ..

زينب:
بقيت مستمرة مراسلات ويه ورود كلش ارتاحيت الها ورة ماسمعت صوتها هي بنيه تطمنت مااحجي اتصال بس رسائل حتى ميبين صوتي اني بنيه وهي عرفتها عليه اني ولد ...
هند علاقتها حلوة وياي بس تعصر كلبي مرات من تظل تدردم على ابويه صح اسلوبه مو حلو ولحد هسه شغيرك يا ابويه ماكو وبلشت سالفه جديدة ورة وهي ورة خمسه اشهر والايام تمشي بلش بابا يريد طفل وبلشت مشاكله ويا هند

هند: ربك يرزق وبعدين اكولك مو عدك زينب واخوها جهاد طلابه

بابا: جهاد هذا هم ينحسب زلمه واشد ظهري ميعرف عن هوى داري نتفه  وزينب مو سند وظهر باجر عكبه تصير بخت الزلمه لياخذها شون انتي هسه صرتي سند لزوجج مو صرتي الي اريد طفل اريد ولد يرعاني بكبرتي دام بيه حيل هالكم سته نوب

هند: ربك يرزق يا زلمه ويجوز انته كبرت ..

قاطعها: بنت  الخوش ادمي ميستاهل شيباته ينسب من وراج وورة رعونيتج مقصر عليج بفراش اشو ٥ مرات باليوم ممخلي بيج حيل تالي تكوليلي كبرت كووومي كدااااامي اشوفج شوون كبرت

كام يجر بيها وهي تكوله خو هيج وعيب من بنتك كاعدييين وتبجي تالي نتر بيه ابويه وهو ينزع كلابيته فتت للغرفه بسرعه قفلت بابي عليه بجيت ربع ساعه واني اسمع هند تتوسله يعوفها وهو يسب ويغلط لما ختفى صوتها بجيت حييل تخيلت اني هم  هيج يشمروني فتحت تلفون سويته صامت على طول حتى بابا ميسمع وراسلت ورود

زينب: وروووود تعاي مخنوكه راح اطك واموووت الله ياخذننني نشالله ..

ماكو رد ناعدها نت بقيت الوب رايحه حايه تالي عيني صارت ع قران بس ممتوضيه شغلت قران من اليوتيوب حطيته باذاني تك اذن وخليت الجرجف عليه لفلفت نفسي واسمع للقران واشهك وابجي بسكوت بس دموعي كرهت حياتي حيييل وكرهت ارتبط نوب باحد .

...ورة ساعه ردت ورود تمالكت نفسي وماردت ابين اني بنيه هي ملش زينه وياي معرفها وضعي مو حيل تمام فمرات تدزلي رصيد اكنك علي لان مااراسلها تكولي انته صديقي ومأمنه بيك ...

ورود: هاا خيرك ابو الشباب شبيك تدعي على نفسك

زينب: بلكي الله يباوعلي ويستجيب دعوووتي طكت روحي

ورود: شصاير خوفتني من صدك شبيك

زينب: مو كتلج ابويه رجع يراهق هسه خلص على مرته وغصب يجبرها تنام وياه ورود خايف على نفسي حيل
ورود ورة خمس دقايق: احم ليش خايف على نفسك قابل انته بنيه وتخاف

زينب: ابويه يغصب لواحد غصب عنه يسوي شي وخايف يجبرني اتزوج على واهسه

ورود: ليش اذا ردت تتزوج تاخذ بشور اهلك ماابالك وحده!؟