انا الاقرب منك اليك

البارت الخامس

تبكي لترتاح ، فيتعبُك بكائك أكثر.

بقلم 👈 samah_96ss 

سرطان الرحم بحاله متأخرة !!!
ظلت هاي الكلمه ابالي ؟ شنو يعني سرطان يعني راح تروح ماما من عدنه !؟ لا كلبي وعقلي يرجفون مكدر افكر بس الاكدر اتذكرة بيومها حظنت ماما ابجي ودكتور يحجي اني فصلت حسيت على مينا تسحبني من حظن ماما اسامه طلعني اني وماما اللي نقهرت بس تكول نقهرت عليه حظنتني من طلعنه من دكتور بصاله الانتظار باست راسي وكالت

ماما: لله سلمت امري وافوضه له ..كافي ماما هياني كدامج مابيه شي

اسامه: ام دميعه صبر ..ترى سرطان اله علاج وماكو شي ما اله حل طب تطور بس صبر خلنفهم ...بسبب دموعج كلبتيهه مناحه مافهمت وضع امي

ماما: ماما ليش القلق والجزع الكاتبة الله يصير وهذا تكفير عن ذنوبي لان المرض ياماما هو تكفير عن ذنوب ومعاصي الانسان امتحان من رب العالمين النه يشوف مدى صبرنه ..شلون هسه عدكم امتحان وتظلون خايفين نجاوب لا ماراح نجاوب هذا هم هيج يراد صبر حتى نجتاز الاختبار

اسامه باس راسها كال: عظيمه انتي صدك لكال الام مدرسه لتشيلين هم نشالله مشافايه

كاعدين المفروض اواسي ماما بس ماعرف عقلي بوكتها اتبنج وتخدر بس ابجي واحظن ماما يكول اسم الله فقدتها ..

طلعوا بابا ومينا وجوهم ماتتفسر بس من شافونه بابا كال
بابا: ماكو شي لتخافون سهله نشالله راح نسفرهه لتركيا هناك تتعالج ونتاكد ونرجع نسوي فحوصات من جديد نتاكد

مينا: بعدين دكتور يكول حنرجع نكرر الفحوصات ولباجر تطلع نتيجه وانشالله خير وهم اذا فعلا موجود فنكدر نستئصل الرحم لان بكل الاحوال هي ممحتاجته ماما

ماما: الحمدلله ع كل حال ..حور كافي ماما عيونج راحت

مينا : كافي حور لتفاولين مو زين !!

بابا واسامه راحو ماع ف شيسوون لكن يريد يتامدون من الفحوصات ويسالون عن دكاترة زينين بابا مصر ياخذها برة العراق خاصه بعد تشخيصهم حصو لو رمل!!

ورة ساعه رجعنه مهمومين حيل بابا حط ايدة حاوط ماما على كتفها يمشون واحنه وراهم اني ابجي اسامه مخليني جوة جنحه مكدر اسكت وصلنه سيارة بس كعدنه ليورة ومانا بالصدر وبابا يسوق خذتني مينا لحظنهه ابجي بسكوت بس شنو احس كلبي تكطع من البجي مدري شصارلي يرجف حيل احس حيطلع من ضلوعي ..

وصلنه للبيت نزلنه ورحت امشي ويا ماما حاظنتني هي تسكت بيه !!
تلكتنه شيماء تسال شكو وشثار وحجينالهه ..
ساعه يمكن وانتشر الخبر اجتي حلا وزوجها وخالو يامن ابو رشا واهله ..وخالاتي وعمامي نترس لبيت ناس ...
ومنا انتصار خطية يرادلها راحه ممنوعه من الحركه هم كامت ونخبصت ...
اني يم ماما حاظنتها وابجي ناس تحجي عليه ولا تفاولين وخالاتي من كد ماتعصبو رزلوني بالسوري ..