مرات اكعد الكاه حاظني ياما اتسحب من عنده واطلع ياما هو الكاه كاعد قبلي وطالع ..يظل يذكرني بموعد علاجي حيل وكل شويه يريدني ارجع احجي واني صدمتي ماصارت على احد اخويه وابويه نفس السنه والشهر افقدهم للابد صعبه والله ...
تماشيت ويا ايامي البلا طعم ولون وعلى كوله هند محد مات ورة احد لو يموت صدك تكول جان اني لو انتي متنه ورة امهاتنه ..ومن وكتها عشت جسد بلايه روح اتحرك امشي واشتغل اذب حيلي بالشغل خاصه من يطلع سرمد ويشتغل اداين فلوس وتثبت بالكهرباء بغقد وبلش يظاوم ورة وفاه بابا بشهرين يكول مرات احد على جيته يصير خير ومرات احد على روحته يصير خير ورب العالمين شاف بركبتي زادت المسؤوليه وفرجها عليه وتوظفت حتى لو بعقد ...
الشغل شبه نشال من هند هي باشهرها الاولى ونساتها صعبه مرات تريد تحجي على بابا وتسكت تكول الميت ميجوزله اله رحمه ..اعرف بابا اذاها واذاني بس اني مكدر اشيل علي هو دنيتي وراح صعبه حيل على البنيه من ماتلكه لا اب ولا ام ولا اخ ولا اخت فوك هذا بابا نهزم بيه من ضيم اخوانه يعني عمامي شايله فكرة اروح واشوفهم بالجذب من مات جهاد مارفعوا سماعه تلفون وخابرو بابا اخذو بخاطرة ...
وهسه اكيد وصللهم خبر وفاه بابا هو الخبر الموزين يطش بسرعه
...الشغل صار عليه وحتى ملابس سرمد جانت هند تغسلهن بس هسه لا ورة شهر رجعت لزمت كلشي اني
_غسل ملابس
_تنظيف البيت
_اسوي عشه
لان الريوك والغده على هند تكول لازم اتحرك واشتغل ..ومرات الطرمه اني اغسلها ومرات سرمد من يشوفني اتعب يغسلها بالليل
..احس حياتي حيل تغيرت ماعرف للاحسن لو لا ..بس اخس روحي خاويه حيييل ..
مر على وفاه بابا 3 أشهر بيوم طلع سرمد للشغل وهند طلعت تكنس الكرمه بالمكناسه الطويله واني انظف لبيت خلصته بس ارجع البردات اعلكهن وارجع الفراش ندك لباب اني مااطلع اولشي ماحجي صوتي ميساعدني وسرمد حذرني ...
كملت البيت او بالاخص الهول وطلعت هند جتني تصيحني
هند: تعاال حليلي هاي سالفه اني اطلع عيب هسه يكولون زوجها مات وصوتها يلعلع وانتي صوتج ميطلع واللي ع بابا طلعت روحه يدك وماكو جواب
اشرتلها احجي ويا شوفي منو طلعت وطلعت وراها ...همست بصوت
هند: منوو عالباب ؟
حمدان: اني حمدان منو زينب انتي ؟ اني ابن عم ابوج وياي امي
لطمت على خدودي وهند لطمت كالت
هند: لا اخويه اني مو زينب هسه لحضه افتحلك لباب بس اسويلك طريق
فاتت كدامي ركض جرت شال وخابرت نطت خبر لسرمد وكال لتفتحون لباب اني بالطريق..والله ربع ساعه شكد عيب شتلناهم برة هند كالتلهم ماعدنه احد هسه نفتح لباب بس يجي سرمد !؟
شوي وسرمد صاح يالله حياكم
طفرنه اني وهند جوة شوي وفات سرمد وراه حمدان وامه هند ابست وطلعت تسلم واني لابسه حجاب بس ماكلعت شوي وسرمد اجاني وعيونه تنفض اعصاب مكتومه
سرمد: الشفيه شرف توة وجاي يسوي الواجب
رحت حضرت الضيافه نطيته الصينيه
همس: تعاي وراي بس تستري زين بس وجهج يبين سلمي واطلعي ماتطولين
أنت تقرأ
انا الاقرب منك اليك
Romanceماجنت اتصور بيوم يصير زوجي من بعد ماجان خطيب اختي !! ولا جنت اعرف هو اللي مكتوب بكصتي . لم تكن صدفة حين عثرت عليك كنت مرسوماً على حدود ايامي كنت شيئا انتظرهٌ وينتظرني ولم يكن لقائنا الا بداية حكاية صاغها القدر باتقان . قصة غير مألوفه لكن واقعيه م...
