انا الاقرب منك اليك

البارت الثاني عشر

‏في تلك الّليلة أردت أن أصرخ ولكنّي تمالكت نفسي ، وقد استقرّ هذا الصّراخ بداخلي ومنذ ذلك الحين ، أسمعه كلّ ليلة .

البارت الثاني عشر
للكاتبة👈 samah_96ss

مينا: يالله لحكوووني شيماءو وكعت ااانس بااابا حووور زهيير وينكم ولكم شيماء راااااحت من ايدي ...

بسرعه ركض زهير ابن مقتدى وانتصار واني نسيت رجليه هم رحت مشي سريع نكعد ب شيماء اللي متمددة كبال باب غرفتها مينا تهز بيها ماكو وهي شيماء اكو دم من رجليها شوي ترسنه البيت بالصياح على صوتنه اجتي انتصار ومقتدى توهم من دكتور ومقتدى فات على صوتنه طلب مينا تستر شيماء اللي بس تصرخ وفعلا مينا لبستها بسرعه بين ما لبستها اجى اسامه اسمع صوته يصيح شكو فات للغرفه وشاق منظر شيماء بسرعه شالها وطلع بيها للسيارة ومقتدى ويا ومينا هم بسرعه حطت حجاب الصلاه مال شيماء وراحت وياهم ...

اجتي انتصار تمشي على كيفها وزهير ابنها ساندها كعدت بالاستقبال رادت مي راح زهير يجيبلها وانطيتها تلفون طلبت مني خابرت حلا تجي بسرعه .

وخابرت انس يروح وراهم للمستشفى لان طالع انس وهسه هي شيماء بعد يومين تدخل بالثامن يعني هسه بالسابع بابا يردد " اللهم لا اسالك رد القضا ولكن اسالك اللطف فيه يارب كومها بالسلامه "

الجهال كلهم يدعولها علاوي جان يم بابا اجه كعد يمي يحجي
علاوي: يعني ماما مثل بيبي راح تروح

يمه حطيت ايدي ع كلبي طفل ليش يحجي هيج حظنته
حور: لتكول هيج حبيبي هسه تجي ماما انشالله بخير

بقينه بتوتر هيج ورة ساعه حلا اجتي هي وزوجها وبنتها وانتصار كالتلها تروح هناك مينا ما تفهم ٩يل بهيج سوالف وحلا كونها ام تروح وياها عبدالله راح يوصلها ويجيب مينا ورونق الوكحه اجتي شافت علاوي هيج خلت بابا ياخذهم للمحل يشترون حلويات وياهم زهرة وامير ..برغم الصار بس جان كلش حلو منظر بابا هو واحفاده والله قريت الفلق خاف ينحسدون جان منظرهم كلش حلو ..

مينا ندك تلفونها راح زهير جابه وشاف المتصل اسر انتصار ردت

نهت لمكالمه وكالت: هذا مو وكته سنع مينا طالعه وما كايلتله شكله طكه فيوز ...والله هاي عين طكتنه ماصلت ع نبيها .

حور: هو هذا خبل منا ومنا فكَري ابن فكر مدري اشافت بي اختج

انتصار: استغفر الله ربي ...شو خابريهم شوفي شصار بهاي لمكرودة

رجعت اخابر حلا ماترد وانس همات خابرت اسامه طمنه تمام بس شيماء جابت سبيعي وحاله شيماء تنام بس طفل لا اوضاعه نو تمام هسه بالخدج ...

بقينه بتوتر وخوف على شيناء طلعت افتر بالحديقه شيماء حيل اعزها ما يوم سوت مشاكل تنصح اي وتشيل شغل بدون ماتكول تعبت يعني ماتتعوض يارب اللطف بيها وبطفلها يارب يالله ..