انا الاقرب منك اليك

تكمله البارت الثالث والعشرين

كان يبكي على حظه، فَجاءه كَرمُ اللهِ، فَبكَى أكثرَ على سُوءِ ظنّه.

طلب** ممكن تصلون ع النبي !!
الكل رجاءا يشوف الساعه بيش قرا وشوكت ينتهي يعني شكد طول بقراءة البارت يكتبلي !! ممنونه 🕰⏰

دعاء: لجج مو اسمي دعاااء مو سفاناااا مانتبهتت من صحتيني

فكيت حلكي : شنوو شتحجين انتي سفانا وبنت خالتج دعاء غير

دعاء: لا والله ..مد ايدها لزمتني ...اني دعاء ..نفضت ملابسها ووخرت لعود من طرف ثوبها لفستان ..كملت ..اني دعاء مهدي بنت عم رجلج بس جنت طالعه سفرة ويا ظريد اخويه وخالو ازاد ومن اجه خبر وفاه جدو جانت سفانا مو بس بنت خالتي لا اختي وبنت بابا لان ربت ويانه من احنه وصغار حيل فنعتبرها بنتنه هي متقصر ويا بابا حيل بشغله ٧ي شايلته ف من حتي هنا رادت تسوي الواجب اسبوع وتجي ميطولون لما ٧ذا لكمر ابن عمي نهى عليها واحنه منحمل بعدها هي وبابا اجينه اني وظريد نشوفهم بس هاا عفيه لتحجين لاحد سفانا تتدمر واحنه هم نتظمر ويحجون ع بابا

بقيت فاكه حلكي وهي تهز لايدي تالي كتلها: صدك تحجيين يعني انتي دعاء والاسمها دعاء ذيج يعني سفانا هاي شوون ورطه لحمزة والها وليش ساكته

دعاء: بداعت امج لتحجين سفانا تتأذى ماعرف شتخطط بس الاعرفه احنه خربنه خطتها كالتلي باسرع وقت نرجع حتى هي هم ترجع بس اني امنتلج وحجيت كلشي لتحجين فدوة

بتسمت واني صدك اتذكر نفسي بيها من الاشوفه احجيله كلشي اتذكر اخر واحد خرطتله الاكو والماكو جان ماجد اللي يشتغل بالمطار افف دنيا...

حور: لتخافين ماحجي وروح ماما امي ميته مو عايشه ودام حلفتيني بيها اطمني

بقينه نمشي ونحجي طلعت بكدي وهي رادت تتعرف على اسامه اخويه من عرفت عندي توأم تحب تشوف يشبهني لو اني اشبه لو منتشابه كتلها مسافر وشوفتها صورته بالتلفون شافتها وكالت

دعاء: والله حلوو حيل احلى منج تدرين بس لمشكله متزوج حرامات راح ابقى على حمزة

ضحكت من كل كلبي :  لج انسي احسن والله حمزة يحب بنت خالتج سفانا مدري دعاء الجتي اول وحده

دعاء: اني دعاء والله هي اصلا فهمتني ماحجي بس كالت بالمردي حتى محد يفهم علينه بس اني مدري شون حجيت زله لسان حبابه لتحجين خل نرجع

حور: اي يلا بس انتي تحجين عراقي مضبوط

دعاء: مو احنه مصادقين عراقيين ونحجي عراقي بالبيت نطكطك لبناني بس سفانا لا تعلمت اللبناني لان شركه بابا لبيها عرةقيين ولبنانيين بس احنه نطكطط لبناني ونحجي عراقي مضبوط وكردي لان ماما كرديه خوالنه يعني

حور: مسكين يحمزة دعوتي صابتك مين ميطكها جايته مخبوطه مخبوطه

دعاء: يعني شنوو