انا الاقرب منك اليك

البارت السادس

‏إقتصدوا في الحب إلا حب الأباء بالغوا فيه بالغوا الى ماله حد".

يمكن بلحظتها ردت اشرب دمه شكد غبي!!
خرط الحجيته اله مرة وحده بدون راجدي !! خزرتني مينا بغضب ولتفت اسر يحجي

اسر: بيت ابو ساطور يسموهم ليش تريد بيتهم؟

ماجد: صديق وخاب اتعرف غليهه بيهه شي !!

اسر: لا بوية مابيهه فوت تفضل حياك شكالولك مكرن توخر عن وجهي لا ادميك بكاعك ...

تدخلت اني مينا بقت واكفه تكول هسه يلوحني طشار من غضب اسر هاي مينا كلش مقدسته عليش مادري ...

حور: لحضه اسر وانته اخ ماجد شكرا ..خزرته

اسر: اطلعي روحي لابوج ينتظر بالسيارة !!

بقى يخوزر ب ماجد ويؤمر بية اخر شي طلبت من ماجد يروح وهذا كام يركع روحه بلكاع عفته يدردم ويا مينا وطلعت يلا همه يجيبون جنطتي !

طلعت للسيارة شفت بابا خطيه نزل من شافني بسرعه رتميت بحظنه حظني بكل حنيته المتعودة عليها باس راسي وكال

بابا: حمدلله عل سلامتج بابا

حور: الله يسلمك ..اني فعلا مو كد شي ودليل رجعت ماسويت شي ...حجيتهه بغصه دنكت حظني وفتح باب السيارة ليورة صعدت وصعد وياي خله راسي عل صدرة يواسيني بس هي مو مال مواساه اني فاشله!! فاشله

طلع اسر يجر بجنطتي ومينا تحجي يكول هي لحجت ويا ماجد هاي من كل عقلهه تقنع بوجه الططوة .

اجمي للسيارة ركبت مينا بالصدر وهي مبوزة وهو ركب ينافخ بابا كال

بابا: عطلناك عن شغلك وليدي واخرناك

نتبه لنفسه باوع لبابت بمرايا السيارة
اسر: لا عمي تمون علركبه بس صارت شغله مو خوش عصبتني

خزرني وساق هسه اذا اكوم ادفرة احد يلومني شكد مستفز ومكروة .
وصلنه للبيت واني ماطايقه روحي استلمتني شيماء وانتصار يضحكن عليه رجعت ماسويت شي مينا واسر راحو للجامعه وبابا كعد يم جهال انتصار بس زهير مداوم امير وزهرة ممداومين وعلاوي نايم ابن انس ..
صعدت ذبيت نفسي عالفراش منها تعبانه من كعدة طيارة والسيارة ومنها مقهورة شلون اني هيج يعني مو بايدي من فقدت وعي وجيوب متأزمه عندي بس كله مني اني مااسمع لكلام ليش مالبست كمامه بس اختنك والله احس نفسي مو مثل البشر ليش اني لوحيدة البس كمامة وهمه يتنفسون طبيعي بس اني الجيوب الانفية مأذيتني وهم خفت تخربطت من الخوف لو صدك اني مو كد المسؤولية!!

نمت واني هيج افكر...لما كعدت عل بوسات رونق بنت حلا فوك راسي كمت بستها وكعدتها بحظني واني افرك عيوني

حور: حبيبي منورنه ليوم ولك دخيلووو .دغدتهه هاي اموت بيهه هاي الفصعونه هواي يشبهوهه بيه اكثر من مايشبهوهه بحلا وهي تشبهني ليشوف ري واني صغيرة يعني نسخه مني فاحبها لان تشبهني ..لا جذب احبها والله هي بسرعه تنحب