انا الاقرب منك اليك

البارت الثالث

‏أيتها الآنسة المُعجزة
كيف أُقدم أمتناني لكِ
أريد أن أصف أثرَ دخولكِ لحياتي
تحولَ قلبي من ساحة حربٍ وقِتال
لبستانْ من أعناب الجنة
أحبكِ ليست أربعةَ أحرُف
بل أربعين عام
لأني بعد الستين سأكون خرِفًا
بعد ان الجمت الثرثرة فمي
سأصمت،
ولن انساكِ
سوف أنظُر لكِ وأقول :أُحبك
بعينايَ فقط.

اسامه: بس افهم شدخل حلا وليش تاخذين مشهي

حور: دشوف شلون عمالقه اني يمهم شبر ونص شاسوي ما ماا عليه ارجع هسه ابلش انفخ والعب واشد عضلات اريد اكبر شوف شلون يعيبون

ضحك اسمه: ههههههه هاي كلها تعيب غير يغارون منج لان ناعمه يلا خل نشوف شصار بالانسيابية ونشوف اسر دبر شي لو مينا لحالها تزامط بي

حور: وهذا نوب صديق اسر يكوله عبالي زيارة ممبين جامعه ردت اموته والله ..ماعليه اريد مشهي

طبطب على كتفي واخذني على كد عقلي وراد مفوت بس بعد شلون طفل الجاهل من يريد شي ويقفل علي شكد حاول اخر شي ردت ابجي ماريد افوت كلش كرهت نفسي وكرهت اي بنيه ناعمه ورجعنه واسامه اتصل ب مينا كاللها كملو انتو هاي طنكرت اله ترجع لان ناعمه بالله هاي سالفه ناس عاقله شلون زهرة جابتني ويا كتله الغباء هاي

بقيت ساكته شكد يحجي ويسنفزني مايدري معطبه من منظر اليوم خابرت اني حلا ووصيتهه تجيني اليوم لو تدز المشهي ويا عبدالله لو ادز اسامه وكالتلي اني اجي ..وصلنه فتت بدربي على غرفه مدتت مخنوكه ليش يعيبون على خلق الله يعني طويل والمصير بكيفه هي خلقه رب العالمين بس شو حيل تحسست ليش مادري بس اعرف عندي هسه رغبه قويه اريد اخذ المشهي اريد اتغير ...

ورة ساعتين اجتي حلا ويا حماها لان عبدالله عندة دوام بلغته تجي ف اجتي ..
صوتهم جوة كلش عالي نزلت واستلمتني ماما وانتصار

ماما: ماما شتسوين راح تخربين جسمج هيج حلو والله

انتصار: لج خسخ المليانه دتسوي حميه غذائيه حته تضعف وانتي بطرانه تدورين سمن على مال شنو حتى سمن يجيب امراض وهسه شحلاتج تخبلين والله ليش تخربين نفسج وجسمج

حور : عفيه اني اريد تسمن بس شوي اسمن واتركه عوفوني براحتي

حلا: اي خلوهه شوي تاخذ منه بس ها حور من تاخذي وتنامين من تكعدين وراهه حاولي تلعبين تمطين جسمج اكثر اللعبي شناو عقله اي شي كمزي حيل اللعبي حبل المهم تلعبين لعبات تطول حتى تجيب مفعول لان بس تاكلين تصيرين قنينه غاز بهذا طولج اذا ماطولتي

انتصار: شحجي هسه لج بابا شكبرج غير تعقليها مو ميصير ربج خلق قامتها وشكلها هيج ليش تغير خلقه ربها ماقارين قران

خذت علبه المشهي من ايد حلا: شوفي انتصار ظلي احجي بعد طكت ابالي اخذ مشهي لعد حماه حلا شلون تنصب عرايس ضعيفات غير من ورة هذا