انا الاقرب منك اليك

البارت التاسع عشر

"سنشد عضدك باأخيك" لم يختار الله من الاقارب لشد العضد الا الاخ .اللهم اني استودعك اخي .💛🤝

حور:
جنت مثل الطفل وشلون احد ضربه وبعدين رجع هو رد الضربه هبج صح الموت مابي شماته بس عقليتي حانت بوكتها هيج اكمز من الفرح وجهي بشوش بس اختفت كل هاي من تذكرت هسه لازم اروح ويا اسر واسامه بعد ساعتين طيارته شوون اعوفه خابرته وفهمته صارت فاتحه عد اهل اسر هو كل اللي كاله

اسامه: لازم تروحين ويا ناس شمدريهه بس لا تروحين قبل  لا اودعج جايج هسه حور تسمعين

حور: ييي سمعت

سديته واني كعدت على بايه الدرج  ايدي على خدي راجيتها على رجليه ساندتها شوون اعوف اسامه ماروح ويا اسر سد المي واجى جان يفرك اسنانه باوعلي عاكد حاجبه

اسر: شبيج مو كتلج تجهزي نروح ماظل وكت بويه

حور: اسر روح وحدك مااروح واعوف اس اس مكدر

فرك وجهه راح ورجع يتمشى باوعلي بتوسل
: حور انه مقدر وضعج وعلاقتج باخوج وانتي تعرفين شوون صار زواجنه بس ناس ماتعرف وراح تحجي وماراح يكولون عروس ليش تعوف زوجها بمحنته راح يطلعون اشكال الحجي وحقهم عليهم بالظاهر اصلا يجوز تلتهين حتى متورمين عينج من يسافر اسامه يلا ياعيني بدلي وتجهزي

حور: جج ااسامه ح يجي عليه يودعني هسه

اسر: ميخالف هلا بي بس بدلي حتى تودعي ونطلع حور لازم روجتج وياي لازم نبين طبيعيين

حور: واني لو غير ظرف والله جان رحت وياك بملابس لبيت بدون متحجي بس اسامه هذا شوون اعوفه واودعه هيج شوون ..بجيت

عافني وراح للغرفه اسمع صوت الكنتور ينفتح وينسد وصوت استغفارة عفته بس رحت غسلت وجهي وفركت اسناني ورفعت شعري ذيل خصان ورجعت كعدت على درج يمكن مرت نص ساعه صارت بالسبعه ندك جرس البيت كمت بسرعه طلعت فتحت باب البيت الداخلي ماوصلت للباب الخارجي

اسر: اووكفي حوور وين طالعه انه افتح

لتفتت خزرني تعداني يدردم فتح لباب سلم ويا اسامه واسامه عزا كاله البقاء لله واجاني بسرعه حضني شبعت بجي بحظنه وهو يحظني قوي واني ابوس بوجه

حور: ح تعوفني اس اس حتى و ود اعنه ..بجيت مكدرت

اسامه:مو اتفقنه وتعرفين طيارتي بعد ساعه ضبط كعدت رشا تجهز غراضنه هسه كملت واجيتج بطرك التراكسود

اسر: اسامه وليرحم والديك فهمها لازم تجي وياي محد يعرف شوون الزواج تم غير اهلي واهلك وهاي اول محنه لازم توكف كبال اهلي وياي حاجيها ترى تاخرنه

اسامه باس راسي: حوريتي هو هيج هيج رايح ليوم اقلها روحي ويا اسر هناك تلتهين والله واني اظل اتصل ماعوفج