لو لم يكن الحب نادراً لما بكت قلوبنا من شدة الفراق.
البارت العاشر
للكاتبة 👈 samah_96ss
رشا: شاحجي اكولكم لغتصبوني من صحيت وكعدوني كالولي جان بكلبنه رحمه وخدرناج حتى متشمئز نفسج ونشيل خطيتج بس الصار بسبب اخوج نفس ما سوة باختنه سوينه بي بس اليختلف هو سواهه واختي تتوسله وصاحيه وانتي ماواعيه هاي خلينه بعينه انتي مالج دخل بس اخوج تناذل وجزاته كوليله نرد عليك يا تحسين باقوى ونفس لوجع ....
حور لطمت : عزاا لعزاك تحسين ...تحسين مسوي هيج باختهم ومن وراه نباكت فرحه اسامه وضيعج بسوالفه
رشا حظنتني تبجي: لج ااخ حور كالي وهو يبجي والله دموعه تنزل يكول اخوج تحسين سوة باختي اكثر من هيج وهي صاحيه وواعيه وتتوسله مافاد ولا عافهه اله اخذ شرفها واختي بهيج لحضات مقرفه ماتت جوة ايده لو عايشه ماسوي هيج واسوي عشاير واعرف اجيب حقي واني زلمه صايم ومصلي وبركبتي مرة وجهال جان اكدر اكسرج واخذج بعدين اتزوجج بس مكدر كافي خدرتج وراعيت الله بيج وادري السويته ضيع صلاتي واعمالي بس اخوج لازم يتربى ويحس بالوجع لسببه النه ويعرف الله على حق ودنيا دوارة حاولنه مرة نكتله كتل موت بس للاسف هو ووياه واحد كتلو لشباب ودموهم هنا ضطريت اغير الخطه واكسره مثل ماكسرني باختي وموتها بلحضات قذرة مثل شكله
هيه تحجي وتبجي وتشهك واني ماعرف شاسوي
مسحت بطرف ردنها دموعها وجرت خشمها كالت
رشا: تخيلي من كعدني طلعلي تلفون وخلاني اخابرج بس ماكول احد يمي ومن تاكد راح تجين عافني راح وهو دمعه طفرت من عينه يكول مجبور والله اني مو مثل اخوج خليتج واعيه تشوفين وهسه امنت احد ينقذج عافني وراح حور تخيلي كلما اريد ادعي علي لساني ينعكد تحسين وين جان باله من جواه وحده تصارخ وتنازع لموت وميته وهو ماهتم يطلع يمشي يسهر ويضحك ولا كأن مسوي هيج شو احسه مو اخويه كلما اريد ادعي على السواه بيه تجي بعيوني اخت ضرار واسكت مكدرت ادعي اذا اريد ادعي تحسين اولى بالدعوة
حور: حسبي الله ونعم الوكيل..هاي الصار كله من ورة تحسين فقدتي شرفج واني رجلي اله شوي جان لعظم مكسور لولا رحمه الله جان خاست وهو ولا همه !!
رشا: حوور شاحجي اهلي يريدون اوصفلهم شكل اي احد وهاي فوز حركت بابا وماما كل شوي بسمار شكبره تبسمر وماما تعرفيهه اعصاب عراقيه دمها حامي تجي تضربني خشمي مرتين نزف ورندا تفكني اذا بابا مموجود بابا مقهور عليه ويعباله حادث قضاء وقدر وتحسينهو السبب ميدرون
حور: اشش لا تبجين تعرفين امج مو جديدة اخلي انتصار تحاجيها بس لا تجيبون طاري لموضوع لاحد وتنسد سالفه حتى حلا ماتدري والله لان نعرف زوجها شنو !؟ وبس وصي اهلج واحجي وياهم وانطيهم مواصفات الزلمه شكو بعد خل يدورو ويعترف ويحجي عن تحسين وعساهم ناس ذابحه ناس شنو ذنبج انتي لان اخوج طايح الحظ
أنت تقرأ
انا الاقرب منك اليك
Romanceماجنت اتصور بيوم يصير زوجي من بعد ماجان خطيب اختي !! ولا جنت اعرف هو اللي مكتوب بكصتي . لم تكن صدفة حين عثرت عليك كنت مرسوماً على حدود ايامي كنت شيئا انتظرهٌ وينتظرني ولم يكن لقائنا الا بداية حكاية صاغها القدر باتقان . قصة غير مألوفه لكن واقعيه م...
