انا الاقرب منك اليك

البارت الاخير (سفانا_دعاء)

رجعت من سمعت جنيد استشهد لازم اوكف ويا ديدي اعرفها بسرعه تحب وبسرعه تكرهه مشاعرها متقلبه برغم بصعوبه حيل من عفتهم واضطريت اعتمد ع نفسي وكتي من الصبح للعصر بالشغل بالشركه مال بابا مهدي اني مديرة حاليا بغيابه وامشي الامور والصفقات رحعتي للبنان صدمت اغلب اليعرفوني لان رجعت محجبه ..خلال سنه كدرت اعيش بظل خالو اللي ورة شهرين ضبط امورة وانتقل يمي ويساعدتي مرات بالشغل وصار يمارس شغله الطبخ والتصوير حسب مجاله ومرات العصر يشتغل بمطعم يعرفنه ف خالو قرر يشتغل بمطعم عن طريق المعارف اللي تعرفنه حتى ميتركتي هالو ازاد كلش حباب  يكفي من سمع ماما رفضت تجي تعيش ويايه هو اجه بكامل رغبته وياي برغم وجود دريد لكن دريد كان فترة اربع شهور ورجع لان تهرج وخلص ختى تخرج دريد اني وخالو حضرناه ... بيومها نزلت متشور ابارك لدريد بي وفخورة كون اخويه !!  كدر يسويها وينجح نجاحه معجزة لان كل سنه ياخذها بسنتين..
ونشالله حيستقر دريد بحياته العاطفيه لان الصراحه اول مرة اشوفه متحمس يريد يشتغل عرفت جيداء كدرت اتلامس قلب دريد وتأثر بي ..الله يسعده يستاهل ..ودعاء كانت فترة تجهيزات هي وجنيد برغم همات اني شجعتها لان جنيد خباب صح اختلاف بالطبع والعادات بس تتعلم وجنيد الله يرحمه جان احب واحد باخوانه ليكعد يمه ميضوج ولازم يشمر سالفه تضحكك وكلما احجي كردي ومجد يفهمني بذات بالشغل اذا احد ضوجني احجي ويا خالو كردي ف يهديني باسلوبه واكو بعض لموظفين بيناتنه ميانه يحجون عليه اذا احجي كردي ف اتذكر سوالف جنيد من يكول "تسبين بينه"! من اجاني خبر استشهاده  بجيت من مل كلبي والله بس مون لحجز للعراق ماكو ثاني يوم مامو لثالث يوم كدرت اسافر اني وخالو للاردن ومناك اجينه للعراق وشوفه دعاء واهل جنيد بحاله ماانساها ام جنيد امراه قويه  وعدها تسلط شوي باللسان والفعل من شفتها منهارة وحاظنه دعاء تشمشم بيهأ من ريحته ماكدرت اني القويه اللي اتحمل كلبي انعصر شحال حالهم ...
بوكتها بابا مهدي ماشفته لليل سلمت علي واخذت من خاطرة هو ودريد وابو عادل اخو جنيد ..
وكمت وياهم عالشغل لان متعودة على شغل لشركه وهم عشت فترة هنا واعرف نظامهم جنت اشتغل بس بالي يم دعاء كل شوي اروح اشوف وضعها الكاها بحظن ام جنيد ثنينهم يبجون برغم يواسوها لناس بالجنه واخسن من الدنيا بس بعد كلب ام مثل مايكولون ولو مو كل الامهات عدها كلب حنين لان ماما خاف حان ابينه اتصال بلش يقل حيل يمكن صلابتي وابين للناس قويه لان شفت ماما مااحتوتني حسيت محد يستاهل اهتم بي غير نفسي ...

بيوم ورة فترة الاربعين يوم عدت هاي لفترة لمحت حمزة بس شنو عيونه غضب ويمشي ويصيح كل اهله جانو بوسط صدمه ممصدكين يروح منهم وبلش لمعاتب تالي حمزة كوة سكت امه من كاللها
حمزة: وحزن ام لبنين ييمه ان ناسكتي وبطلتي بجي ورجمتي بحالج وحالنه لاطوع انه الثاني واذا شفتي وجهي عتبيني
ام خمزة: ييمه ليش هينه يروح من كلبي وصله ولك مافرح بمريته ولا ركص ولا لبس قاطه ولا زفيته ولك نباكت فرحته ربي مون بجاه ابو فاضل تاخذ ثاري ابني من لماياهافوك وسوو هيج بووليدي عسى يومكم قرريب يالدواعش ****
وبلشت بعض ناس تنصح وبعض يكبس وبعض يرفع شفت دعاء مو مال هيج اجواء خربت فقدت وعيها كوة كدرت اسيطر عليها ورشيت مي وصحت بس تباوع ومدعتها تنزل ممصدكه راح..
خذتها صعدتها فوك كوة ونيمتها شون كفل متنام اله بغرفتهم مرات ياهذها لواهس تحجي تكوله نامي تعبان انته تذكر من اجيت وجريتني للغرفه يكول كلبك حاسس بيه اخر مرة تشوفني حتى بوكتها كلبت انام يمك وفزيت بدون مااودعك شلون تنوي الوداع بدوني صارت تحجي حجي صدمني هاي اختي كبرت وهيج الحب اثر بيها ..
ورة مانامت ردت انزل توني اسد باب غرفه بلسم نجريت من ايدي وبسرعه نلطش بجسم نقابيلي فتحت عيني حمززةة!!!
سفانا: شبيك حمزة !؟
حمزة: تعبان وحك الله وحيلي مهدود بس شويه
سفانا: عييب اليصير حمزة وحرام مو تعرف كلش زين وخر  ياابن الناس والله يصبرك على مصابك
دفعته وعافني برهاوة ايده ونزلت ناقصني هم يا حمزة مدري مين تطلعلي كل ماانظم حياتي تطلع بوجهي فجأه ...
بيومها بقيت صاعده نازله على دعاء وهي بس تون مرة وتهذي باسم جنيد ودريد صعد شافها تالي قرر ياخذها للطبيب بس بلسم حاولت وياها موة وجبرتها تاكل واخذتها تتضوا وتصلي وتقرا قران كل هذا بغرفه جنيد ودعاء اللي لمفروض غرفتهم ...
ايام صعبه مرت خاصه اذا بشر يفقد شخص غالي وعزيز على كلبه مثل جنيد لازم يذب سالفه تضحكك غصب تذكرت مأساتي من مات بابا جان حنين ويحب يشاقي..دريد مرات بابا مهدي يكوله طالع على بابا ابويه الحقيقي ...صعبه الفركه والاصعب اذا المفاركه مو بينك مسافه لا يكون هوة جوة لكاع وانته فوكاها تحس الخنكه بكل مكان كوة تجر النفس ..
مرت شهرين بصعوبه بس كوة كدرت اهدي دعاء برغم جانت عطله تتاهل للسنه الجديدة خلصت العطله قهر وبجي وشمكتوبلج بعد يدعاء تشوفي جيتي من لبنان حتى تحبين وتتعذبين ...
ورة شهرين صار لوكت لازم ارجع واكيد ابقى على تواصل ويا بابا مهدي ودريد ودعاء سلمت وسافرت او الاصح دريد حيوصلني لبغداد واطير ومناك الكى خالو ازاد منتظرني بالمطار ...سلمت وطلعت وكون حمزة ماخذ اجازة بس صار اسبوع من منتهيه لازم يداوم ف هو قرر يوصلنه بدربه لبغداد برغم رفضت بس بالاخير دريد كال يوصلنه منريد نكبر سالفه وشي بينكم ماضي وانتهى ..مرات اعصاب دريد تستفزني لدرجه الشلل اكثر من ما حمزة يستفزني ...
دريد بالصدر وحمزة يسوق واني ليورة وطريق طويل مت مربلاء لبغداد وحر وسيطرات نص طريق وحمزة نزل يجيب شي نشربه واصر يجيب ..فات وتاخر شوي ياله اجه وبيده علاكه اول مافتح لعلاكه انطى لدريد عصير بس عصير مو قواطي لا باكيت ودريد شربه بسرعه لان خارة وامي ماعرف ليش مرتاحيت بس برغم هيج شربت بس مي لان عطشت ...
وكمل طريق بهدوء لما دخلنهه بغداد كمت اسمع صوت شخير دريد احنه طلعنه الصبح حتى نوصل لان العصر طيارتي ردت مطعم اني وظريد بس خمزة كال نروح يم اسر وحور ...وظريد ماصدك حتى يشوف جوجايته ..
بس لاحظت مو هذا طريق بيت اسر وحور مله مناكق سكنيه وخدمات مدارس جوامع محلات بس شو هذا طريق زراعي بس ارض زراعيه واكو بيوت متفرقه خفت نتبهت يباوعلي بالمرايا