انا الاقرب منك اليك

البارت السابع عشر

لا تتعمق في المحبة لشخص لا يبادلك الشعور لأن عمق محبتك اليوم هو عمق جرحك غداً.

للكاتبة سلطانة القلم
مساء العافيه..
طلعتوا عيدتوا !؟ لو بقيتوا بالبيت !؟ 🙂

كان نص لرساله هاي لقاضيه الي اني اكثر من عدها
" سرطان العاطفه تدري شنو ؟ هذا يصير من تنبش بمحادثات منتهيه الصلاحيه يصيبك ..يبو اذا نبشت بيهه تالي الليل
"
بس لزمت تلفون قريتها من شاشه واضحه صارت رجفه بجسمي اخ يا مينا ليش لعد خليتيني اسوي هيج بعدني خنكتني لعبرة وممبين فتح لمراسله وبسرعه حذفت رسالتها شوي ورسلت

مينا: طول بالك وياها عدها طكه فيوز صبرك عليها ..
هنا صدك نزلت دموعي مطر شكد تكابرين لعد ومتريدي يقرا ليش!؟ خايفه على مشاعرة ..

سمعت صوت خطواته ذبيت تلفون بسرعه امسح دموعي وترجع تنزل ماريد ابين ضهيفه هاي تمثيليه واذا حس اني ضعيفه لو استحي اكيد مخه وصخ اريد اتظاهر بالقوة بس لمشكله هي ثواني بس رساله نحفظت بمخي

" سرطان العاطفه تدري شنو ؟ هذا يصير من تنبش بمحادثات منتهيه الصلاحيه يصيبك" سلامه ملبج يا مينا من اي مرض والله انتي الجبرتيني وسويت هيج علمودج.

آسر تحمم: ءء احممم ماتبدلين !؟
مسحت دموعي ولتفتت

حور: معليك بية بعدين اخوك وين
عكد حاجبه : ليش شكو!؟

حور تنهدت ومسحت دموعي: اذا موجود خلي يفوت هنا بين ما ابدل

اسر: غير افهم

حور: اني دخلت بتمثيليه وكلشي مفاهمه هسه انته صيح اخوك وهاهيه من يجي عود اكولك

سمعته يستغفر بس لفت انتباهي من صفن كال
اسر: تمثيليتيش !؟ وسكت

عفته ودخلت لغرفه ماركزت بتفاصيلها غير كعدت عالجربايه ونصيت راسي بايدي ابجي مخنوكه شوي ولباب ندك وفات اسر

اسر: هاي جنطه ملابسج بدلي براحتج ..حمم بس ياريت شي مستور
اجيت والله جابك كمت رافعه اصبعي احذرة

حور: كتلك قبل شوووي معليك !! نفس ماني مجبورة انته مجبر تسايرني وتسكت ولتدخل بلبسي انته من بدايه من ناسبتنه ب مينا وانته تعرف احنه شنو وشلون عايشين

اسر: اجرممت هسه كتلج لبسي لبس راهي اخويه برة وعلى كولتج تمثيليه هم عيب مني موو

حور: اطلععع برااا عووفني

طلع سد لباب وراة بعصبيه ويستغفر
كمت افتر اكل برووحي شلون وتالي وياه هذا من اول يوم ماا اطيقه من اباوعله احس داشوف مينا بي شلون بية وهي مينا هسه تلوب علي وحقها ليش هيج سوت مادري!!
توني اريد افتح لجنطه خابرتني طلعت تلفوني من لجنطه هاي مينا رديت

ممينا: شلونج حوري
صوتها جان مخنوك رديت واني هم مخنوكه

حور: مو زينه مينا بس علمودج سكتت هاي من اول يعصب ويتأمر