بعد فترة تبدأ بتقبل هزائمك برأس مرفوع
و ليس بحزن طفل .
و تزرع حديقتك ،
بدل انتظار احدهم ليهديك وردة .
و تتعلم و تتعلم
مع وداع تتعلم
البارت الثالث عشر
للكاتبة @samah_96ss
حور: شتحجين انتي ؟؟؟!! شنو يعني شبيني اني وياااه
حجيت باستغراب وصوت عالي على اتهامها
حلا: مينا شبييج ؟؟ شصااير !!
بقت تباوعلي بعدين كانو جانت تفكر هزت راسها تستغفر وكالت
مينا: هيج ماكو شي ..
ندك الباب طلعت حلا تكول هذا عبدالله اجه ف مينا همست
مينا: يعني ماتخابري بسكوت احتاجيتي شي ليوم مثلا قبل لا ارجع من دوامي بساعه ؟!
استغربت سؤالها من حددت بالضبط ف حجيت الصحيح
حور: ليوم لا والله ماتصلت غير مرة وحده جنت حيل مضطرة لان مكدر اصعد عليج واحتاجيت اخو حمزة فخابرته ردت رقم اخو ورفض وحشر خشمه بالسالفه غير هيج ماكو شي صار!! بس سؤالج الصراحه زعجني ماعرف ليش حسيتج تشكين بيه انييي !!!
مينا: استغفر الله ربي ..مو هيج لسالفه واعرف شعورج تجاه اسر شنو بالضبط؟ بس هذا للي حيخبلني يصيحلي باسمج ..
حجت احر كلمتين بهمس كلش بس والله سمعتها هيج كالت
يعني شنو يصيحلي باسمج!!؟؟؟
عبدالله: اهووو هم شيخ لغفر مكعدينه هنا
فزيت على صوته من فات يعيب ويقلد عليه
اني هم مالي واهسه كلش عفت كلشي وطلعت امشي على كيفي لان رجليه توجعني صح شلت خياط رجليه بس توجعني ...مشيت على كيفي وصلت شيوم شفتها مددة بغرفتها نايمه سديت الباب مال غرفتها هذا عبدالله يظل يحوص هو طبعه حركي ماعنده شي وهي محجبه ..
رحت على الاستقبال لكيت بابا مدد على القنفه وايدة فوك عيونه وصوت النفس مالته عالي تذكرت اسامه من رجع قبل كم يوم من اختفى من صارت سالفه رشا ...
هاي لحركه كمت احسها مال واحد ضايج ،مهموم ،تعبان
رحت مشيت يمه بست ايدة هو وخر ايده اللي على عيونه وعدل كعدته وخلاني اكعد بصفه وراسي على صدرة
بابا: شبيها حوريه زهير شبيها حورية ابووها
حور: هيج بس ضايجه شوي
بابا: من شنو ضايج حبيبي !
هاي كلمته جان يكولها ل ماما حبيبي !
غرغرت عيوني وهمست : مشتاكتلها ..مشتاكه لحبيبك حييل .
حظني قوي وكال بصوت تعبان: ادعيلهااا هسه عملها من دنيا منقطع اله من ثلاث منها ولد صالح يدعو لها ادعيلها دعواتج تعلي مقامها وقدرها
حور: الله يرحمها ويغفر الها ويسكنها الفردوس
بابا: امين امين كومي نتوضا ونصلي ركعتين وراهه نجي نقرا قران ثواب لروحها الله يرحمها
أنت تقرأ
انا الاقرب منك اليك
Romanceماجنت اتصور بيوم يصير زوجي من بعد ماجان خطيب اختي !! ولا جنت اعرف هو اللي مكتوب بكصتي . لم تكن صدفة حين عثرت عليك كنت مرسوماً على حدود ايامي كنت شيئا انتظرهٌ وينتظرني ولم يكن لقائنا الا بداية حكاية صاغها القدر باتقان . قصة غير مألوفه لكن واقعيه م...
