حكم ومواعظ

..

زمن عجيب..

يمشي بسجارة اللي هي شرعًا حرام .. (عادي).
يمشي ماسك سبحة ..(ايه ده منافق ده ولا إيه).

تقلع الحجاب ... (يباركولها ويقولوا حرية شخصية)
لكن تلبسه وتكتب بفرحة وتعلن إنها بتنفذ شريعة... (مُنافقة متلبس وهي ساكتة).

يمسك الموبيل في المواصلات يسمع أغاني .. ( حرية )
يمسك المصحف ... (مُنافق ما يقرأ في بيتهم)

بتنشر أغاني وصور بنات متبرجة (حرية)
تنشر آيات قرآن وتذكر الناس بالثوابت (مُنافقة)

تخاف لومة اللائم وتقول وأنا مالي ولا تنكر المنكر (بتحترم حريات غيرها)
تأمر بالأمور وتنهي عن المُنكر وتدعي لدينها بالضوابط الشرعية (معتدية على غيرها)

المؤمن بقا يُعاير بإيمانه وبتنفيذ الشريعة!

جاهروا بيها يا خوانا احنا في زمن الغُربة أصلًا وهي سبيل إنك تشد حد معاك .. مش نفاق ده لا! الناس إلا من رحم الله منهم هما اللي أصبحوا منافقين .. والنفاق مش الجهر بالشريعة لا بالعكس النفاق هو التنصل من الشريعة إرضاءً للناس وللمجتمع اللي هو أصلًا باع!

الكلام بالعامية ولغته ركيكة بس ده اللي طالع من قلبي، المجتمع بقا صعب والإنصهار فيه صعب! هتفضل تقدم في تنازلات تنازلات وهتخلي الشريعة تخضع لتخفيضات لحد وهيلهينا التكاثر حتى نزور المقابر!! ومش هنلاقي حُجة نقولها لرب العالمين ولا الناس هتنفعنا يعني هنقول لسبحانه ايه؟؟  أصل كل الناس بتعمل الغلط والغلط بقا عادي فاحنا مستخدمناش نعمة العقل ومشينا كالأنعام وراهم خوفًا من كلامهم!

وإنا لله.