- باين انك مش كويس - شكرا على قوه الملاحظه-اقدر اساعدك - لا شكرا انا مبسوط كده - مبسوط ؟! مبسوط وانت لوحدك من غير صديق ولا حبيب ولا ونس .*. في بعض الأحيان تكون الحقيقة مؤلمة، ولكن لا مفر منها أبدا .*. - ايوا مبسوط، هعمل اي بالونس، والصحاب، والحب وكل حاجه منهم بتاذيني، حب دخلت في 3 علاقات وفشلت فيهم، صحاب عارف الكل والكل عارفني وينطبق عليا مقوله " صاحب الكل وحيد "- لحد امتي هتفضل قفل علي نفسك كده، وحاسس بالذنب - لحد ما تفني الكوكب وتحترق النجوم وتشرق الشمس من مغربها ويقول كل شخص نفسي نفسي نفسي نفسي - ارتحت لما اتكلمت - لا تعبت اكتر، افتكرت ذكريات كنت بحاول اقنع نفسي اني نسيتها، افتكرت كسره قلب وخاطر، افتكرت الخذلان من كل الناس، حتي انا خذلت نفسي لما فكرت ان الحياه حلوه والحاجات اللي بنسمعها في الاغاني والروايات، افتكرت كتير لكن هيفيد باي الندم، ب ولا حاجه، انا خلصت القهوة بتاعتي وهمشي بعد اذنك - تفتكر هي مبسوطه دلوقتي، وانت بتتعذب سمعت جملته دي.. رجعت اقعدت مكاني تاني.. طلعت آخر سيجاره في العلبه.. اخدت نفس عميق.. بدات اطلع النفس..- تفتكير انت حد يكون عند ربنا وميكونش مبسوط- ناس كتير، محدش فينا ضامن الجنه سكت شويه.. رجعت للذكريات تاني.. - فاضي نتجوز - نعم - بقولك نتجوز انا بحبك وانت بتحبني يبقا أيه المنع من اننا نتحوز - لا مفيش أي منع غير اني السوئق بتاعتك بس تفتكري اي رد فعل اهلك لما اجي اتقدمك دلوقتي، استني استني هقولك، هيكون رد فعلهم " اطلع بره ياحيوان انت ازي تفكر تبص ل اسيادك انت مرفود من الشغل " - بتقلد صوت بابا حلو اوي- اعجبك صح - صح، اطلع يلا على المأذون- ياميرنا مينفعش - انا وانت هنتجوز على سنه الله ورسوله - بس اهلك مش عارفين - اهلي؟! انت مسمي دول اهل، دول اهل في البطاقه بس مش اكتر امي بتتعامل معايا على اساس اني حته انتيقه واساس في البيت، بابا تصدق ان انا نسيت شكله اصلا من كتر سفره للشغل، انت لو جيت تسال حد منهم انا عندي كام سنه محدش. هيعرف، عارف اخر مره حد منهم حضني ولو قالي كلمه حلوه امتي، استني افتكر كده، تقريبا ولا مره، 25 سنه ومحدش منهم يعرف عني حاجه نهائي، حتي لو غيبت عن البيت محدش منهم هيحس بغيابي اصلا، هنفضل مع بعض شهر لو حد منهم افتكرني او سال عليا هرجع البيت تاني وانا متاكده أن دا مش هيحصل ابدا، ولو محدش منهم سال عليا هفضل معاك طول العمر لحد الموت- لكن - من غير لكن اطلع على المأذونطلعت على المأذون.. اتجوزنا.. معرفش انا عملت كده ازي.. روحت البيت بتاعي.. شقه صغيره وقديمه لكن من اقرب الاماكن لقلبي.. ذكرياتي فيها.. حياتي كلها فيها - معلش الشقه صغيره، وقديمه، ومكركبه،ومش قد المقام- الشقه حلوه اوي كفايه هتكون معايا فيها، انا جعانه، هتخلي عروستك تنام من غير اكل، المطبخ فين، مش عايز تقولي مكان المطبخ، شكلي اتخدعت فيك وطلعت بخيل،لا بقولك اي انا ممكن اعمل جريمه كده - تصدقي ولا مره انتي فشلتي في انك تفرحني، وتضحكيني، وتخلني مبسوط، انا بحبك اوي، استني بقا هنزل اجيب اكل واجي - استني مين، لا انا اللي هعمل الاكل ب ايدي، جوزي حبيبي وانا اللي هغذيه، المطبخ فين، هعمل المفتش كرمبو وابحث عن المطبخ - ميرنا هانم بذات نفسها هي اللي هتعملي الاكل، دا انت من كتر عدد الخدام اللي عندك بتوهي في أسمائهم - ايوا ما انا كنت شيله شويه شطاره للحبايب - ربنا يبارك ليا فيكي ويحفظك ليا- يارب، ادخل خد شاور يلا، ومتتاخرش - حاضر محمد داخل اخد شاور.. وانا دخلت المطبخ لأول مرة في حياتي.. طلعت بيض من التلاجه.. حطيت زيت على النار.. كسرت البيض وسيبته.. البيض اتحرق.. فضلت اعيط كتير.. محمد طلع على صوت العياط..- في اي ياحبيتي، حصل اي، مالك حصلك حاجه، انتي كويسه- البيض اتحرق مني، انا ست بيت فاشله، وهكون زوجه فاشله في الطبخ- ولا يهمك ياحبيتي، قومي ننزل ناكل تحت عادي، وبعدين كفايه عندي انك تقفي في المطبخ علشاني، اي حاجه من تحت ايدك حلوه اوي - محمد هو انا قولتك قبل كدا اني بحبك - تصدقي لا- طب انا بحبك، بحبك جامد اوي - بحبك اكتر، قومي يلا علشان ننزل ناكل تفوت الايام.. تعدي الأسابيع والشهور.. مستوي الدخل بتاعي يتحسن.. افتح سوبر ماركت.. بقيت مبسوط اوي مش محتاج اي حاجه من الدنيا تاني غير كده.. متجوز.. عندي مشروع.. دخل كل شهر.. مراتي اتعلمت تعمل كل انواع الاكل.. بقيت شيف جامد اووي.. لكن دايما تأتي الرياح بما لا تشتهي السفن.. كنا مسافرين في يوم بليل.. مشي بالعربيه.. السرعه عاليه.. الدنيا ليل.. الطريق فاضي.. مطب صناعي كبير.. العربيه اتقبلت.. ندخل المستشفى اتنين.. اطلع لوحدي.. اخر مره كنت مبسوط بقيت كئيب.. حزين.. باهت.. - احم احم، سرحان في اي - مفيش حاجه، انا لازم امشي- استنا اجي اوصلك- لا خليك انا رايح لها لانها وحشتني- ماشي خلي بالك من نفسك، لا إله إلا الله- محمد رسول الله، سلام- سلام فضلت قاعد في مكاني.. شربت العصير بتاعتي.. خلصت وطلعت بره الكافيه.. مشيت خطوتين.. لمه وناس كتير متجمعه.. قربت اكتر.. سالت وقولت- خير فيه اي، متجمعين لي - فيه واحد العربيه خبطته، ومستنين الاسعاف، لكن هو مات، الله يرحمه قربت اكتر.. مشيت اكتر.. قلبي بيدق.. حاسس اني اعرفه.. قربت اكتر .. لقيت- محمد محمد، قوم يامحمد، انت قولت رايح تشوف ميرنا، مقولتش انك رايح تقعد معاها هناك، ربنا يرحمك يامحمد، ان شاءالله تقبلها في الجنه يارب، الله يرحمك يا صاحبي
