- فيه إيه يا وتين
- هو أنا وحشه يا محمد
- يعني أنتي مخليني اسيب شغلي، و اجي بسرعه علشان تقوللي كده
- ايوه يا محمد، و ياريت تجاوب بصراحه
- مش وحشه يا وتين
- انت مش شايف الحروق، والتشوهات اللي في وشي
- والله أنتي قمر بيهم مخلينك مميزه حتي
- انا عايزه افركش الخطوبه دي
- وتين هو حصل معاكي إيه في الكليه النهارده علشان تقولي كده
- محصلش حاجه يا محمد بس أنت تستاهل واحدخ أحسن مني، على الاقل واحده مش تتكسف وأنت ماشي معاها وسط الناس
- وسط الناس! و أحلي منك! متاكده أن مفيش حاجه حصلت النهارده
- ..
معرفتش أرد عليه، افتكرت المواقف اللي حصل معايا وأنا في الكليه، لما كنت ماشيه جانب إتنين بنات سمعت واحده منهم بتقول للتانيه
- الله يكون في عون اللي هيتجوزها، مش هيحتاج يتفجر على أفلام رعب، افلام الرعب هتعيش معه في البيت
- عندك حق، شايفه وشها عامل إزاي، كل ما ابص لها بحس بطني بتوجعني، بكون عايزه أدخل الحمام أجيب اللي ف بطني
- مش عارفه هي إزاي تنزل من بيتها بالشكل البشع ده
- أنا أستحق اتشاف حلوه، أنا مش اذيت حد علشان الكل يتنمر عليا كده، أنا مختارتش يحصلي كده، مختارتش اتحرق كده، انا كنت دخله اعمل الأكل، واساعد ماما، أنا كان قصدي خير والله، مكنش قصدي حاجه وحشه، انا كنت ماشيه عادي، واتزحلقت، أيدي جابت الزيت على وشي، مش قصدي والله
" كنت بعيط جامد "
- أنا عارف أنه مش قصدك، وكمان أنا شايف أن دي علامه مميزه مش عيب ولا حاجه
- محمد أنا عايزه افركش الخطوبه دي أنا رضيت بنصيبي، ومش هتجوز حد
- " شوفت عمي داخل الصاله اللي قاعدين فيها " بتقولي إيه عايزيني أكتب الكتاب يوم الخميس
- يا محمد متهزرش بقا
- سمعت يا عمي بنفسك، أهي عايزيني أكتب الكتاب يوم الخميس، أنا هجيب المأذون الخميس المغرب
- الف مبروك يا وتين يا بنتي، مبروك يا محمد يا أبني
- الله يبارك فيك يا عمي، عن أذنك همشي أنا علشان ألحق اخلص شغلي
- ماشي يا محمد
- السلام عليكم ورحمه الله وبركاته
- وعليكم السلام ورحمه الله وبركاته..
مالك يا وتين يا حبيتي
- مش عايزه أتجوز محمد يا بابا
- ليه يابنتي، هو محمد زعلك ف حاجه
- لا يابابا بس أنا عايزه يكون مع واحده أحسن مني، تكون حلوه عني، محمد لو إبنك أنت مش ترضي تجوزه واحده مشاوه زيي
- قطع لسان اللي يقول عليكي كده، أنتي ست البنات كلهم يا حبيبتي، محمد بيحبك يا وتين بلاش تخسري حد بيحبك، وبلاش تخسري ثقه حد فيكي أي كان علاقتكم إيه، أقولك على موقف حصل معايا زمان محدش يعرفه غير مامتك ندي بس
- قول يا حبيبي
- انا كنت بحب واحده وانا عندي 20 سنه، كنت بحبها لدرجه الجنون، كنت حلوه، وجميله، وكل حاجه فيها تتحب من اول نظره، البنت دي كنت كل فتره ترن عليا من رقم غريب، وأنا أرد عادي تقولي معجبه بيك والحاجات اللي أنتي عارفه دي أقوم أنا عامل حطط الرقم على القائمه السوداء، اللي هي البلوك دلوقتي، البنت جيت ف مره قولتلي معجبه بيك، وبحبك أنا قفلت المكالمه معاها، وبعدين هي فضلت ترن عليا طوب اليوم، أنا كنت ف الشغل مش رديت أبدا، رنيت كتير بليل ف أنا رديت عليها علشان تبعد عني، وتبطل رن عليا، لما رديت عليها وقفلت، روحت رنيت على رقمها الحقيقي واتكلمنا عادي ومفيش اي حاجه، جينا ف آخر المكالمه هي رنيت عليا من الرقم التاني، ف أنا قفلت معاها، وبعدين رنيت على الرقم التاني، ولما عرفت أن هي اللي كنت بتتصل عليا وبتعمل معايا كده، أنا فقدت الثقه فيها، ومن ساعتها وأنا مش واثق ف حد نهائي لحد ما جيت مامتك، وغيرت ليا كل حاجه حرفياً، أنا عايزك تحفظي على ثقه محمد فيكي يا وتين كله إلا الثقه لأنها لما بتتهز مش بترجع تاني أبدا
- حاضر يا بابا هعمل كده، وهحافظ على محمد علشانك، وعلشان هو كويس ويستاهل كل خير
- ربنا يبارك فيكم ويحفظكم لبعض يا بنتي
- ويبارك فيك ويدلك طولت العمر أن شاء الله
- قومي يلا كلمي محمد، وصلحيه، وقولله اوعا تنسي يوم الخميس كتب الكتاب
- حاضر يا حبيبي هقوم اهوه
