- يابني مينفعش كلامك دَ
- كلام إيه يا محمود
- كلامك مع البنات المْباح دايما، وسمع الأغاني كتير
- انا بصليِ، وبقرا قرآن كل يوم، وكمان بقول الاذكار، متقلقيش أنا عارف بعمل إيه كويس
- فكرتني بنفسي من سنه بالظبط
- ليه كان حصلك إيه
- مفيش كنت زيك كده، وبقول مهما يحصل يعني مش هسيب الصلاة
- ها و إيه اللي حصل!!
- اللي حصل إني وقعت في الفتنه
- ازاي يعني وقعت في الفتته
- يعني قولت إني بصلي، بصوم، بقرا قرآن، كمان بسمع لـ شيوخ كتير على اليوتيوب، وحصل الحاجة اللي كنت بقول عمرها ما تحصل وهي اني اقع في الفتنه، كنت دايما أسمع قول الله تعالى في سورة العنكبوت
بسم الله الرحمن الرحيم
{ أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ }
صدق الله العظيم
- صدق الله العظيم، لكن إزاي ممكن أقع في الفتنه، وانا بصلي كل فرض في وقته، وجماعه في المسجد صف أول
- كل شخص فينا لما ينتظم في الصلاة شهر شهرين تالت شهور سنه بيفكر أنه خلاص بقا ملتزم، ومهما يحصل هيفضل مكمل في الصلاة بردو، بعد ما ياخد الثقه دِ ربنا يحطه في أختبار، ويشوف هو هيرجع ويتوب توبه نصوحه، ولا لما يفتن هيفضل ماشي وراء شهوته وحبه للدنيا
- يعني أنت شايف إني أبطل أغاني، وكلام مع البنات مع أن كل كلامي معاهم بحدود والله
- أنا شايف أنك تاخد الخطوه، وتمسك فونك تمسح كل الأغاني، وتعمل بلوك لكل البنات، و تكون شخص تاني كويس
- أنا نويت خلاص إني أبدا بـ كده، لكن استني أسمع الاغنيه اللي لسه نازله دِ، أنا أول شخص فتح الاغنيه
- التوبه خطوه قبل ما تكون نيه وقرار يا محمد
- انما الأعمال بالنيات يا شيخ محمود
- انما الأعمال بالنيات دِ لو أنت كنت عايز تعمل حاجه كويسه ومش عرفت تعملها
- عايز توصل معايا لـ إيه يا محمود
- عايزك تعرف أن التوبه خطوه قبل ما تكون قرار ونيه..
#محمد_مهران
#اقتباس_من_خطبه_الجمعه
