عارف أنت لو سلكتْ دروب الوِصال المُظلمة مِت حباً ،مِت شوقاً، فلا تتعجّلْ فتُحرمْ..
- هو أنتي في حد في حياتك، حد معشمك بالجواز
" كنت ساكته مستغربه كلامي، عريس متقدم لها و بسالها كده "
متستغربيش كلامي، كلنا حبنا وبنحب، انا كنت بحب قبل كده، وانتي يمكن تكوني بتحبي او حبتي قبل كده، عارفه أنا مش خايف أنك تكوني حبتي ولا ارتبطتي قبل كده، كلنا غلطنا في الماضي، انا ماليش علاقة بالماضي انا كل علاقتي باللي جاي ودلوقتي فقط
- اطمن انا مفيش حد في حياتي، وكمان محبتش قبل كده
- بجد والله
- ايوا الحمد الله، اشمعنا
- كنت بقولك كده يعني علشان انا حبيت قبل كده، وكنت بقول يمكن لما اجي، اخطب تكون خطيبتي لها ماضي، وخاصه أن الفتره دي ومع التطوير التكنولوجي اللي بنعيش فيه.
- لا متخافيش الحمد الله مليش ماضي، وحتي لو ليا ماضي وربنا ستر عليا أنا مش هفضح نفسي، بعد أذنك بابا هيبقي يرد عليك
- ماشي، هستني رد ولدك
دخلت الاوضه بتاعتي قرأت وردي.. صليت مكنتش مرتاحه.. وفقت علشان ولدي شايف أنه شخص كويس علي خلق و محترم و هيحافظ عليا.. أنا كنت شايفه العكس لكن وفقت علشان دايما ولدي هو اللي بيختار ليا كل حاجه.. ماليش حد غيره بعد وفاة ولدتي رحمها الله.. اتخطبت.
____________________________________
- يوسف، أنا قررت إن اكلم والد عائشه النهارده، وأروح أخطبها
- محمد أنا عايز أقولك على حاجه، ومش عايزك تزعل
- خير يا يوسف في أيه؟
- عائشه اتخطبت يا محمد امبارح
- هي إتخطبت بجد ولا بتهزر و مقلب من الي دايما بتعملهم فيا
- ايوه بجد اتخطبت
مشيت وسيبت يوسف، مكنتش عارف رايح فين،لقيتني قاعد على البحر، كُنت لسه طالب يوم ما عرفت إن اللي إتمنتها من ربنا وطلبتها في كُل سجدة إتخطبت لغيري، الدُنيا وقفت في وشي وقتها، وبدأت أعاتب قلبي على كُل دقيقة؛ حالي إتغير 360 درجة؛ من شاب بيضحك دايمًا لشاب إنطوائي وقاعد لوحده دايمًا، من الكُلية للبيت، ووقت فراغي بكون قاعد على الفيس..
__________________________________
- بابا، ممكن أتكلمت مع حضرتك شويه
- صدق الله العظيم" قفل المصحف " خير يابنتي في ايه !
- بابا أنا مش مرتاحه مع إبراهيم
- خير حصل حاجه !
- حضرتك عارف إني بحب النقاب، ولبسه عن اقتناع تام صح
- ايوه عارف، لكن ايه علاقه دا بالموضوع
- إبراهيم عايزني أقلع النقاب أول حاجة، تاني حاجه عايزني اتكلم معه بليل على الموبايل، اي وقت هو يرن عليا أرد عليه واتكلم معه
- النقاب مفيش حد يقدر يخليكي تقلعه طول ما أنتي في بيتي هنا، لكن لما تروحي بيته هناك و يكون زوجك، لازم تسمعي كلامه، الجواز يابنتي موده ورحمه لـ قول الله تعالى: {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}.
- هو مش ملتزم بـ ضوابط الخِطبة، وأنا حابه يكون الكلام بينا في أديق الحدود لحد ما يكون زوجي على سنه الله ورسوله
- هتكلم معه في الموضوع دا أن شاء الله
- ان شاء الله
_______________________________
