-ما تيجي أخد رأيك في حاجه
-خير يارب حاجه إيه
- أنا بفكر ارتبط
- حلو وبعدين
- ولا قابلين يا محمد، أنت مش حاسس بيا ليه
- مش ملاحظه حاجه غريبه
-حاجه إيه
-الساعه لسه 8 العشاء، و هرموناتك جايه بدري قبل 12
-يا محمد بقا متهزرش أنا بكلمك جد
-يعني أنتي عايزه ترتبطِ علشان تكونِ مرتبطه زي إيمان بنت طنط عزه، و شيماء بنت طنط زيزي، ويقولوا المرتبطه راحت المرتبطه جات
-عارفه يا محمد المشكله هنا في إيه
-ايوه في إيه بقا
-المشكله أن أنت عينك بني وأنا عيني منك يا محمد
-طب استأذن أنا بقا علشان هرموناتك شكلها هتشتغل عليا أنا
- استني يالا مين اللي هيحسب على القهوه دِبعد كده قومت اتحركت من مكاني أنا ومحمد، أسمي نورين 22 سنه، محمد دَ يكون إبن عمي، وأكبر مني ب سنه، تقدروا تقولوا كده، هو كل حياتي، و حياتي كلها هو مشيت في الطريق وأحنا مش بنتكلم ف حبيت افرفش محمد شويه لأنه شكله حزين بسبب أنه داخل الجيش، وهيسيبني لوحدي
- محمد محمد
- نعم
- محمد يا محمد
- عايزه إيه يا نوري
- مش أنا متقدم ليا عريس النهارده، وعمك موافقتعبيرات وش محمد اتغيرت، على الرغم من أنه عايش معانا ف نفس العمارة بقالنا 15 سنه إلا أنها أول مره أشوفه كده
- مالك يا محمد، أنت كويس !
- الحمد الله كويس اهوه، متقليش عليا
- هي الهرمونات مشيت من عندي جاتلك
- او يمكن من كتر القاعده معاكِ بقا عندي هرمونات
- تصدق ممكن " ضحكنا "حد يجي يشيل القمر دَ ياجماعه من هنا بدل ما ارتكب جريمه، ضحكته حلوه قوي، كل حاجه فيه حلوه أصلا
- عارف يا محمد إن أنت ناقص ليك حاجه واحده بس وتكون أسعد إنسان في العالم
- ناقص حاجه! حاجه إيه !
- دبلتي تكون ف إيدكسكت محمد، لكن قلبي مكنش رضي يبطل دق من كتر حبه وهو حلوف لا يبالي يا جماعه والله، خبطت محمد علي كتفه وقولت له
- بهزر معاك يا رمضان أنت مبتهزرش
- لا بهزر يا نوري
- بحب اسمع منك كلمه نوري قوي، تقريبا محدش بيقولي كده غيرك
- هو أنتي عايزه تكوني نور حد غيري ولا أي " مسكتها من هدومها عند كتفها "
- لا طبعا بس أنت عارف دَ معناه إيه
- ايه
- ولا حاجه يعني مايكونش أنت وقع ف حبي ياض يا محمد وأنا معرفش، اعترف وقول الحقيقه أنا هكون زي مراتك المستقبلية ساعتها
- وقع في حب مين اسكتي انا معتبرك وأحد صاحبي
- واحد صاحبك يا عديم الذوق أنت، بقا أنا اللي أي حد في المنطقة هنا يتمني بس ابص له بصه واحده بس
- طب يلا أمشي على البيت بدل ما اضربك في الشارع
- براحه يا عم متزقش كده
__________________________________________الساعه 10 بليل ميعاد القاعده الخاصه بيا أنا ومحمد ف البلكونه، محمد لسه مطلعش و دِ حاجه مش بتحصل كتير، فضلت قاعد ف مكاني شغلت أم كلثوم، وفضلت أغني معاها لحد ما جيت عند كوبليه وهي بتقول