#إعادة_نشر
القصه كتابها من تالت سنين
كلنا عارفين ان الحب بيجي فجاة، نظرة عين، ودق قلب بتقولك هو الشخص دَ اللي أنا كنت عايز أشوفة من زمان،
وكلنا عارفين ان مرآة الحب عامية، و أمثاله كتير عن الحب.
انا بقيت حبت كتير قوي كنت كل خمس دقائق، أعجب بـ بنت، ويمكن كنت أحبها لم افتكر شكلها وانا قعد بليل لوحدي في اوضتي الضلمة اللي فيها كل الذكريات،
وفيها الحنين للماضي للبنت اللي حبتها 3سنين وسبنا بعض عادي، ولا لـ البنت اللي حبتها في الابتدائي، ولا لـ البنت، ولا بنت الجيران، كان عندي حنين لـ البنت اللي كان نفسي أحبها، ومش لقيتها في كل البنات، ويمكن كان عندي حنين لـ البنت اللي هتغير كل حياتي، وتخلني أنسي كل الذكريات دِ مش عارف الصراحة انا عندي حنين لمين
ولا لمين يمكن دِ مرحلة المراهقة اللي كلنا بنمر بيها، طب مرحلة مراهقة إزاي وانا شاب في العشرنيات بيحب الضحك، الهزار، الخروج، قعدة الصحاب،صحيح صحابي اتنين تالتة بس هما كفاية وجودهم في حياتي ...
شروق كنت صديقة ليا اتكلمنا مرة واتنين وتلاتة واربعة واتكلمنا كتير لدرجة أننا بنتكلم كل يوم 24ساعة، ومش بنمل، ولسة لحد دلوقتي بنتكلم 24 ساعة وعادي اتعودنا علي كدة بقا ...
شروق كنت البيست فريند بتاعتي بس دَ من وجهة نظري أنا؛ انما هي كنت شايفني الشخص اللي جية في الوقت المناسب علشان يغير حياتها في الفترة دِ كان انتشر موضوع زوج البيست فريند لي بعض؛ انا برضو كنت عايز اتجوز البيست بتاعتي، بس أتجوزها إزاي، وأنا لسة مفيش عندي شقة ولا أقدر أجيب شبكة، ومهر، وأعمل ليلة، وفرح تكون مناسبه لـ البيست بتاعتي في يوم 2/6/2014 قرارت إني أعترف لها بحبها بعد معرفة وصدقه سنتين، وبعدها ابتدأت أنا وشروق ننزل نشوف بعض كل يوم أو مش كل يوم يعني، يمكن في اليوم مرتين تلاتة كنت حابب أعرف شروق علي اهلي وهي كمان كنت عايزني اتعرف علي اهلها...
كانت بكلمها في يوم وهي
- ماما شافت صورتك علي الفون بتاعي وقالت لـ ماما علي كل حاجة بينا وهي قالتلي أنها عايزة تكلمك
- ماشي خليها تكلمني
" و رنيت عليها "
- السلام عليكم ورحمه الله وبركاته
- وعليكم السلام ورحمه الله وبركاته
- ازيك ياماما عاملة اي
- الحمد الله بيخير إزيك أنت يامحمد
- انا بخير الحمد الله، ومبسوط جدا إني بكلمك،وكنت عايز أتعرف على حضرتك من زمان بس مستني الوقت المناسب يجي علشان اكلمك
- اهوة الوقت جي اهوه، وانا كمان مبسوطه من شروق لأنها قالتي علي كل حاجة من غير ماتكدب عليا، بالرغم من إني لم شوفت صورتك قولت عليك أن لاعب الكورة اللي اسمو عمرو جمال دَ اللي بيلعب في الاهلي
- وانا كمان مبسوط من شروق انها قالتك علي كل حاجة
وبعدها اتعرفنا علي بعض، وبقا فاضل الدور عليا أنا أعرفها علي اهلي، طب أعرفها علي اهلي إزاي، و أقولهم دِ شروق حبيبتي ولا أقولهم إيه.
الفكرة جيت في دماغي إني أعرفها علي اختي
