- بحبِك رغم إدراكي بإني بارتِكب غلطة
- هايل وبعدين
- وأشوفك غلطة وأستمتع بطعم الغلطة فَـ بعيدك.
- تيجي ننزل
- الحب عذاب وحيره .. سهره طول الليالي.. وانا عشت سنين طويله .. وكان القلب خالي ... خالي خالي خالي
- خالي ولا عمتي كركركركر
- لاحظ انك بتاكل بيض كتير، والبيض بدا يظهر على شخصيتك
- شكرا يا طريقي الي الجنه
- العفوا يا قره عيني
- هننزل امتي بقا
- هننزل نروح فين
- نخرج، نشيم هواء، نتفسح
- استني اصلي العصر، وننزل
- تمام
صليت العصر، ودخلت المطبخ تاني، طفيت على الاكل،دخلت المكتب عند محمد
- حبيبي هناكل هنا ولا هناكل بره
- هناكل هنا، مش هننزل النهاردة
- مش هننزل لي
- عقاب على تاخير الصلاه
- انت عارف اني مش بآخر الصلاه، انا لو كنت روحت صليت، وجيت اكمل بقيت الاكل كان الاكل باظ
- وعد احنا متكلمين قبل كده في موضوع الصلاه كتير، ومتكلمين عن تاخير الصلاه، ربنا بينادي علينا نروح نقابله ولا نستني نخلص اللي ف ايدينا وبعدين نروح
- نروح نقابله
- ربنا سبحانه وتعالى قال
{ رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ }
تجاره وبيع يعني فيه مكان اكل عيش وناس رايحه جايه مين هيكون عايز يصلي اكتر اللي بيتاجر ولا اللي بيطبخ مين متوفر له اكتر الوقت والمكان النظيف الطاهر
- اكيد طبعا اللي في البيت وبيطبخ، انا اسفه ياحبيبي وان شاءالله مش مفيش صلاه هتتاخر تاني
- يلا نجهز الاكل سوا وناكل
- وننزل ولا هنفضل في البيت
- هنفضل في البيت
- هتعمل شاي جمبي، وتقرا ليا قران، وانا بغسل الاطباق
- تدفعي كام
- مش هنكد عليك النهاردة
- يعني مش هقوم من النوم الساعه 12 بليل وتقوللي انزل هات ليا شيبسي لاني بتاعي خلص وانا مش عايزه انام ولسه سهرانه شويه * قولت كده بنبره صوته وهي حزينه *
- هو انا بتكلم كده
- ايوا بتتكلمي كده للاسف
- طيب قوم انزل هات ليا شيبسي
- جبت 😁
- ومبسوط علشان مش هتنزل
- ايوا * ضحكت *
- عايزه بيبسي، و شوكولاته، وغزل بنات، وفشار، وعلبه جبنه لان بتاعتي خلصت
- كل حاجه في التلاجه جوه، سنتين جواز لا عمري زهقت منك ولا من طلباتك ، دايما بحس بمتعة لمابشتريلك حاجة بقعد اتخيل شكلها عليكي او شكلك مثلا وانتي مبسوطة ب المفاجئة
- طيب
- زعلانه لي بقا
- ملكش دعوه
- خلاص هعمل الشاي وأقرأ قران جمبك
- محمد هو انا ممكن اسالك سوال
- لا
- بطل رخمه بقا يامحمد
- اسالي
- انت لما جاءت ليك فرصه تختار بيني وبين انك تتجوز بنت عمتك اختارتني لي
- علشان بحبك مثلا
- ما انت كان سهل تحبها بردو
- انا اختارتك لاني لقيتك شبهي، شبه اهل بيتي، احنا في زمان الميديا، كله بيجري وراء الشهره والأضواء، ونسوا الدين، بنت عمتي محترامه ومتربيه وكل حاجه كويسه، لكن هي شخصيه متفتحة شويه، ف الميديا بتنزل صورها وفيديوهات وهزار وكلام، عكسك انتي شخصيتك خجوله، عارفه ربنا كويس، بتصلي، في الميديا زي الحقيقي مفيش فرق، الراجل مننا لما يقول ياجوز بيدور على الحاجة اللي شبه، الحاجه اللي علاقتها بربنا نجاحه وكويس، بيدور على اللي بتاجر مع ربنا، فهمتني
- فهمت ياحبيبي
- بتسالي لي بقا
- كنت بكلم واحده صاحبتي النهاردة، قالتي ان البيست فريند بتاعها بعد عنها واتجوز غيرها مع انهم كانوا بيحبوا بعض من ايام الجامعه، بس انت مش زعلان اني اتاخرت في الخلفه، وانت نفسك في عيال
- عارفه ياوعد من بدايه حبنا وانتي دايما بتجبي كل حاجه بطريقه غير مباشره، سنتين جواز عمري ما اتمنيت طفل منك، وعمري ما كان عندي ازمة ف كون ان كل صحابي عندهم عيال وانا لأ، انا مقدر خوفك من الفكرة ومقدر توترك اللي بيخلي كل مره الحمل ما بيثبتش
- دايما انت صاحبي واخويا وابني وابويا قبل ماتكون جوزي قره عيني
- جبتلك البيض والبيكنج بودر ف الكيس الاسود اللي هناك ده عشان نعمل كيكة النهاردة، ونرش على بعض دقيق زي الافلام
- لا مفيش رش دقيق ضهري وجعني ومش قادره انضف الارض
- معلش ياجدتي العضمه كبرت
- معاك حق يابني والله
.*. كنت دايما بتمني القيكي، ولما شوفتك، اتجوزك لان مش هينفع يكونلي بنت مش شبهك ومش واخده حلاوة عنيكي لو تغمض وقت ما تضحكي ، بحبك .*.
#محمد_مهران
#حكايات_من_الارشيف
