- أي رأيك نصور البنات ونبتذهم، وناخد منهم فلوس
- ازاي
- دلوقتي أحنا هنطلع على الحدائق العامة، والخاصة، والكافيهات نصور أي ولد وبنت قاعدين مع بعض، ونوصل للبنت دي ونبدأ نبتذها بالصورة دِ لو هي طلعت كويسه ودافعت هنمسح الصورة، حاولت تتهرب وكده نهددها أننا ننشر الصورة على السوشيال ميديا ونفضحها
- فكره حلوه جدا، وسهله، ومش عايزة مجهود كبير
- يبقا نبدأ نشتغل على الفكره دِ، انا معايا آيفون والكاميرا الخفيه بتاعتة حلوه جدا هتجيب الشكل بوضوح
بدأنا شغل أنا و أحمد صاحبي في الموضوع دَ..
__________________________________________________
- يلا يا محمد العصر أذان قوم نصلي
- حاضر يا بابا أنزل أنت وأنا جاي وراءك
- زي كل صلاه كده
- خلاص يا بابا هنزل اهوه
- هستناك ف المسجد
- ماشي
____________________________________________________
- ازيك يا قطه
- مين
- انا شخص مصورك، وأنتي قاعده في كافيه.. مع عماد حبيب القلب
- صور ايه
- قدامك 24 ساعه تجمعي فيهم 2000 جنيه، وتكلمني هحدد المكان والزمان اللي هنتقابل فيه، ولو حد عرف فضيحتك هتكون على أيدي
- حاضر، بالله عليك الصور دِ تتمسح لما تاخد الفلوس، أنا بنت ناس ومش قد الفضايح
- كل حاجه في إيدك ياقطه، سلام
- سلام
كلمت 5 بنات في نفس اليوم، واتفقت معاهم على الفلوس، تاني يوم كلمتهم تاني، وحددت المكان والزمان، وقبلتهم واخدت منهم الفلوس، جمعت 10000 جنيه في خلال يومين، أنا لو شغال مش هجمع المبلغ دَ ولا حتي في 6 شهور
- ايه رأيك في دماغي لما بتشتغل
- دماغك لما بتشتغل يا أحمد بتعمل فلوس
- ايه خدمه يا عم خد نصيبك من الشغل اهوه
- حبيبي من غيرك مش عارف كنت هجيب الفلوس دِ إزاي
______________________________________________________
- ماما اتفضلي هاتي بالفلوس دِ أكل وحاجات للبيت
- جايب الفلوس دِ منين يامحمد
- شغال مع أحمد صاحبي يا ماما
- شغال ايه، وشغال ايه اللي يخيلك تجمع الفلوس دِ كلها بسرعه كده! محمد أنت سارق الفلوس دِ صح
- لا والله يا ماما، دِ فلوس شغل، أنا شغال مصمم ديكورات مع أحمد، أنتي عارفه إني دماغي حلوه في التصميم والشغل على الكمبيوتر صح
- ايوه صح، لكن يا محمد
- صدقيني ياماما دِ فلوس شغلي
- هصدقك، لكن اوعي تكون دِ فلوس حرام، هتشيل ذنب كل أهل البيت هنا
- طمني قلبك يا ماما دِ فلوس شغل مش حرام
أستمر الحال كما هو لمده 4 شهور، قدت أجمع فلوس حاولي 100 ألف جنيه، محدش من أهلي عارف بيهم علشان محدش يشك فيا، وأدخل في سين و جيم معاهم، وخاصه أن اهلي متدينيين جدا، إلا أنا معرفش حاجه عن الإسلام إلا الإسم فقط علشان مكتوبه في البطاقة بتاعتي، كنت دايما بعمل مشاكل في البيت علشان أخرج، واتقايل أنا وأحمد صاحبي، صديق السواء اللي علمني أكبر درس في حياتي، علمني شرب الخمور، المخدرات، أكلم بنات واعمل معاهم علاقات محرمه، واصورهم، واطلب منهم فلوس علشان متفضحش، خلني أبعد عن طريق الله سبحانه وتعالى، بحجه أننا لسه صغيرين نعمل كل اللي نفسنا فيه دلوقتي، ونتوب بعد لما نكبر ، كنت في يوم شغال أنا وهو كالعادة بنصور بنات، كنا بنستنا اي فرصه البنت بتضحك فيها أو قريبه من الشاب جامد ونصورهم، كنا بنختار البنات اللي لابسه ضيق، وجسمها متحدد ، سمعت صوت جاي من وراء
- اتق الله يا هذا، هيترد ليك في أهلك
بصيت وراء لقيت بنت منتقبه، جميله جدا، عينها خضراء، حسيت أن الزمن واقف بيا، وأنا بصص في عينيها
- نعم
- بتقولك اتق الله، كما تدين تدان ولو بعد حين
- خليكِ ف حالك ونفسك
- انا حبيت أحذرك، قبل فوات الاوان، لسه عندك وقت ترجع فيه تاني لـ طريق الله سبحانه وتعالى
- خافِ على نفسك انتِ علشان هصورك، وساعتها مش هسمِ عليكِ
- مش بخاف، عارف ليه
- ليه
- علشان الله سبحانه وتعالى قال في ســوره الـحــج أيـه رقـم 38
{إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لَا يُحِبُّ كُلَّ خَوَّانٍ كَفُورٍ}
لم استطيع الرد على الفتاه، وجدت نفسي عجز عن الرد، ذهبت الفتاه.. شعر صديقي بالغضب منها فذهب وراءها، ثم اخذ لها صوره وعندما عادت إلي، قال ليِ
- عندي ليك حاجه هتفرحك جدا
- حاجه ايه
- انا صورت البنت اللي كنت عامله فيها شيخه دلوقتي، وجبت وشها من غير النقاب، اتفرج كده
لم يكمل صديقي الجمله وإذا بالهاتف يقع على الأرض، كنت الوقعه صغيره ولكن الهاتف لم يفتح بعدها، تركت صديقي يبكي على هاتفه.. ذهبت إلي المنزل، ذهبت الى غرفتي و جلست على السرير نظرت فوق الطاولة فاذا القران الكريم فوقها..كان الغبار فوقه.. سالت نفسي ( أخر مره مسكت فيها المصحف امتي )
كان هناك صراع في داخلي و كلمات الفتاة لم استطيع نسيانها..مع ان محاولات كثيرة جرت لاصلاحي و لكنها دون فائدة
هل تعرفون ما الذي جعلني افكر في هذه الفتاة و بكلامها لي...انها الثقة التي كانت تتحدث بيها تقول ( اتق الله يا هذا )
جملة لن انساها طوال حياتي فتحت القران بالصدفة وقعت عيني على سورة النـور أيه رقم ( 19 )
{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ} (19) سورة النــور
شعرت أن هذه إشارة من الله سبحانه وتعالى إلي حتي أرجع إلى طريق الحق وأسير فيه، نزلت الدموع من عيني دون أن أشعر بيها،
اقسمت في هذه اليوم التوبه وأن تكون توبه دون رجوع، بدأت بتكون صداقات صالحه حتي أحجز مكاني في الجنه.. وعند فعل أي ذنب مهما كان صغير اتذكر قول الفتاه وهي تقول ( اتق الله يا هذا ) وعندما اقع في الذنب دون ان أشعر اجدد توبتي بقول الله تعالى
( قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ )
