اسكربيتات

قبل النهايه فرصه أمل

- انا بحبك
- وانا مش عايزه الحب دا
- دي النهايه يعني يا رضوي
- الحمد الله انها وصلت لحد هنا، كفايه يامحمد لحد هنا.. انا بحبك وانت بتحبني.. لكن هنعمل اي بالحب دا واحنا مش بنعمل حاجه غير اننا بنوجع قلب بعض.. كفايه يامحمد
- حاضر يا رضوي.. ممكن نفكر تاني وناخد فرصه نفكر علشان حبنا
- انا اسفه يامحمد انا عايز اطلق
- ماشي يا رضوي.. هكلم المأذون يجي بكرا
- شكرا يامحمد على كل حاجه انت عملتها ليا.. ربنا يرزقك بالاحسن مني والخير ليك
- مش هيجي زيك ولا انا عايز غيرك يا رضوي
- بعد اذنك انا هدخل ألم هدومي واصلي
- تقبل الله مقدما يا رضوي.. اتمني تصلي استخاره.. وحاولي تفتكري ليا اي حاجه كويسه تخلينا نكمل وتغفر ليا كل الوحش اللي حصل واللي عملته.. واللي فيه الخير يقدمه ربنا
- حاضر
- انا نزل شويه.. محتاجه حاجه اجبهلك معايا
- نازل فين دلوقتي الوقت متأخر
- هنزل اتمشي شويه.. نامي انتي ياحبيبتي
- ماشي يا محمد خالي بالك من نفسك
- ان شاءالله قضاء الله وقدره كله خير
- أن شاء الله خيرنزلت من البيت، مفيش مكان اروح اقعد فيه، مفيش حد اتكلم معه،كنت ماشي في الطريق، عريبه كنت معديه من جمبي سمعته ايه قرانيه بتقول{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُنْ مِّنَ ٱلسَّاجِدِينَ }حسيت ان اشاره من ربنا ليا، فضلت ماشي لحد ما لقيت مسجد الغريب أن باب المسجد كان مفتوح، الساعه 1 بليل من الصعب القي مسجد مفتوح، لكن حسيت ان ربنا بيحبني وعايز يسمع صوتي، في الفتره الاخيره كنت مقصر في حق ربنا، ضغط بيت وشغل، كنت بصلي، لكن مقصر عن الأول، دخلت المسجد صليت وفضلت ساجد بعيط بدعي، انا بحبها من زمان، اول ما وعيت على الدنيا وفتحت عيني كنت هي معايا وجمبي، مرنا بصعاب كتير ومشاكل اكتر، لكن كله كان بيعدي علشان احنا كنا مع بعض وسوا وسند لبعض، خلصت صلاه، رفعت ايدي ل السماء وكملت دعاء، حسيت ب شخص جاي عليا، قعد جمبي، بدون أي مقدمات لقيته بيقول
- انا كنت نايم في البيت حسيت اني مخنوق نزلت وجيت المسجد هنا.. لقيتك بتصلي فصليت وقعدت سند راسي علي العمود.. روحت في النوم.. حلمت حلم غريب.. لقيت صوت بيكلمني وانا نايم.. صوت جميل جدا.. قالي اوصلك الرساله دي.. ان الله يحبك وسوف يحقق لك كل دعواتك لا تقلق تفائل حتي اخر اللحظات انه لن يترك ابدا.. انا كنت قاعد بسمع .. و هو بيتكلم.. حاسس براحه ومرتاح وانا بسمع.. اول ما سمعت اخر جمله قالها.. نزلت سجدت على الارض من غير ما احس.. فضلت احمد ربنا كتير وانا بعيط.. مش عارف لي حسيت ان ربنا بيحبني.. كنت منار دائما بتقولي " ربنا يحبك يامحمد " دلوقتي بس عرفت يعني اي ربنا يحبك.. الحمد الله
- هو انت عندك مشكله في حياتك
- انا نزل من البيت دلوقتي بعد خناقه مع مراتي وهنطلق، نزلت مش عارف اروح فين، ربنا بعت اشاره ليا بايه من القران، فجيت المسجد، وصليت وانت عارف الباقي
- انا سمعت حديث بيقول عنْ أَبي هُريرةَ، أنَّ رسُولَ اللَّه ﷺ قالَ: يقُولُ اللَّه تَعالى:{أَنَا عِنْدَ ظَنِّ عَبْدِي بِي، وَأَنَا مَعهُ إِذَا ذَكَرَني، فَإن ذَكرَني في نَفْسهِ، ذَكَرْتُهُ في نَفسي، وإنْ ذَكَرَني في ملإٍ، ذكَرتُهُ في ملإٍ خَيْرٍ منْهُمْ }- الحمد الله، عارف يا.. اسم الكريم ايه
- انا اسمي مصطفى
- عاشت الاسامي يامصطفي، انا كنت دائما بسمع عن صلاه الحاجه، لما تكون محتاج حاجه تحصلك تتوضاء وتصلي ركعتين ساعتها ربنا بيقضي ليك الحاجه دي، لكن اول مره اصلي فيها صلاه الحاجه والحمد الله ربنا جبر بخاطري - الحمد الله، فاضل نص ساعه علي الفجر هنصلي سوا، و اوصلك البيت في طريقي، انا عربيتي واقفه بره- شكرا لك يا مصطفى انا اخوك في الاسلام محمد- تشرفنا يامحمد
فضلنا قاعدين، اتكلمنا وحكينا كتير، صليت الفجر، روحت البيت، لقيت رضوي لسه قاعده
- السلام عليكم -
وعليكم السلام
- لسه منمتيش لي
- انا اسفه يامحمد.. انا الفتره دي مش كويسه خالص.. من يوم وفاه بابا وانت مستحملني وصابر.. جرحتك كتير وجيت عليك.. وانت مش اشكيت ولا اتغيرت ولا قولت كلمه توجعني حتي... انا بحبك متسبنيش
- انا بحبك اكتر ومش هسيبك نهائي.. سمعت حمزه نمره بيقول "ميهمَّكش عادي" في الأغنيه بتاعته اللي العالم كله سمعها .. فـحبيت أقولك أنا كمان ميهمَّكش عادي .. عادي لو غلطت مرَّه واتنين وتلاته وألف المهم تتعلم ومتقعش في نفس الغلط مرتين.. عادي لو فاض بيكي وحسيتي بالضعف والحزن انتي مش ضعيفة انتي إنسانه.. عادي لو حسيتي باليأس والعجز.. ده هيقربك من ربنا عشان تحسي بالأمل.. عادي لو حسيتي بالخوف ده هيقربك من ربنا عشان تطمن.. كل شعور وكل حاجه في الدنيا عادي طالما احنا سوا ومع بعض لسه.. فـ ميهمَّكش عادي.

*. ‏أحيانًا نبحث عن الطمأنينة أكثر من الحب، نبحث عن الشعور بالأمان، عن الإحترام والتقدير، عن الإهتمام بدون طلب، عن شعور أن يؤمن أحدهم بك، أن يرى فيك شيئًا لا تراه بنفسك، أحيانًا نبحث عن أشيـاء أخرى ونظن أننا نفتقد إلى الحب .*.

#محمد_مهران