- أنا عرفت هوقعه في حبي إزاي
- أستر يارب إزاي يا نانا ؟
- هعمله عمل
- نعم ! أنتي بتتكلمي بجد
- ايوه بتكلم بجد، وهخليه يسيب بقا خطيبته اللي بيجري وراءها دي
- بلاش عمل وحاجات من دي، حرام عليكي
- يعني هو حرام علينا، ومكنش حرام عليه لما يقرب مني، ويهتم بيا، ويخلني أقع في حبه، و مقدرش اعدي يومي من غيره، و بعدين يروح يخطب واحده تانيه، ده اللي مش حرام
" قومت من مكاني اخدتها في حضني، وطبطبت عليها "
- بحبه يا ياسمين، ومش مستحمله أشوفه بيضيع مني
- ياحبيبتي والله هو لو نصيبك هيسيبها ويجيلك حتي لو يوم الفرح بتاعهم
- انتي مش حاسه بيا، أنتي لو مكاني والله ما هتقولي كده
" في الوقت ده سكت مقدرتش أتكلم، هتكلم أقولها إني مريت بالاسواء منها ولا أسكت
- أنا مسافر كمان أسبوع يا ياسمين، عايز أرجع تاني تكوني لسه موجوده علشاني
- هستناك يا أحمد حتي لو لاخري يوم ف عمري
- انا بحبك، و مسافر علشانك، وعلشان أجهز نفسي، واجي أتقدم ليكي، و يجمعنا بيت واحد في الحلال
- وانا بحبك يا أحمد، خلي بالك من نفسك وأنت هناك، تروح وترجع ليا بالسلامه يا حبيبي
وبعدها بحاولي 5 شهور قبلت أخت أحمد، وعرفت منها أنه اتجوز وأحد في الدوله اللي هو سافر لها علشان الجنسيه، أنتي فتحتي جرح قديم ليه بس يا نانا، ليه ده أنا كنت بحاول اخفف عنك "
- عندك حق يا نانا أنا لو مكانك مكنتش هقول كده، أنا أسفه
- انا اللي أسفه يا ياسمين، مكنتش أقصد اجرحك والله حقك عليا
- انا مش زعلانه منك يا هبله، هو العمر فيه كام سنه جاين علشان أعمل صاحبه زيك تأني
- علي فكره أنا عارفه واحد كويس هيعمل ليا العمل ده، و يخليني اتجوز محمد إبن عمي
- مش خايفه
- هخاف من إيه
- حد من أهلك يعرف، ويعملك مشاكل، وأنتي مش تايهه عن والدك لو عرف أنك عملتي حاجه زي دي يمكن يقتلك فيها
- ما كل اللي أنا فيه ده بسببه أصلا، مش عايزك تتجوزي حد من العيله، الكل طمعنا في الفلوس بتاعنا، أحنا في مستوي وهما في مستوي تاني، مش هتكوني مبسوطه وسطهم، أنتي مش شبهم، ونينينينينيني
" عايز تحقق نسبه الكوميديه في مصر، حط كلمه نينينينيني في آخر الكلام "
- هتيجي معايا ولا هروح لوحدي يا ياسمين
- هاجي معاكي وامري لله، وربنا يستر ويسمحنا
الحوار دا كان من سنه قبل ما تحصل أكبر كارثة في حياتي، نانا دخلت مستشفى الأمراض العقلية، بعد ما محمد مات، بعد ما نانا عملت له العمل ب شهر..
- أنا شايف أننا ناخد محمد عند واحد يصرف اللي عليه ده
- انت عرفت منين يا محمود أن محمد أبني عليه حاجه
- يا إبراهيم يا خويا محمد كان بيحب خطيبته، وفجأة ومره واحده بقا كاره يشوفها، وكمان بيقول أنه شايفها زي الخنزير، وكمان بيقول أن هو شامم راحه معفنه منها، ومش قادر ولا مستحملها، معني كده إيه غير أن معمول له عمل
- ماشي يا محمود أعمل الصح
- انا هكلم الراجل، يحضر قاعد علشان نصرف اللي عليه
- ماشي
بعدها محمود أبو نانا أخد ابرهيم ابو محمد، وطلعوا على مكان الراجل، وفي القاعده هناك، صوت محمد اتغير، و بقا تخين، عينه قلبت لجوه
- أطلع و إلا هضربك
- لو قربت مني أنا هاذيك جامد
- بقولك أطلع، أطلع
بعدها ضرب محمد علي دماغه، و مات، الشرطه جات أخدت الراجل، و لما نانا عرفت تعبت، اتخننت، وبقا كل اللي على لسانها أنا السبب، أنا اللي موته، انا السبب في كل ده..
" فكر دايما في النهاية قبل أن تاخذ خطوه البدايه، ف هناك أشياء لا يمكن أن ترجع فيها.."
#حكاوي_محمد
#محمد_مهران
