ឌីនបាននាំយកជុងហ្គុកចេញទៅរកជីមីនយ៉ាងប្រញាប់ព្រោះខ្លាចថាថេយ៉ុងអាចមកទាន់។ ជុងហ្គុកភ័យអរយ៉ាងម៉េចមិនដឹងដោយសារតែគេលួចរត់គេចពីថេយ៉ុងម្ដងទៀត ហើយប្រសិនបើថេយ៉ុងតាមយកគេទៅវិញនោះតែគេគិតធ្វើយ៉ាងម៉េច?
ឌីន«កុំបារម្ភអីអាល្អិត នៅជាចាហ្វាយគ្មាននរណាធ្វើបាបឯងបានឡើយសូម្បីតែលោកថេយ៉ុង»ឌីនដូចជាដឹងថាជុងហ្គុកខ្លាចថេយ៉ុងគេក៏និយាយលួងលោម
ជុងហ្គុក«បាទ...ចុះបងប្រុស??បងរបស់ខ្ញុំ?»គេស្រាប់តែនឹកដល់ជេហូប
ឌីន«ជេហូបមែនទេ?គេមិនបាននៅភូមិគ្រឹះទេឮថាគេត្រូវបានលោកថេយ៉ុងដោះលែងហើយ»ឌីនឆ្លើយតាមដែលម៉ាកធ្លាប់ប្រាប់
ជុងហ្គុក«ពិតមែនឬ?ថេយ៉ុងដោះលែងបងខ្ញុំ?»
នាយតូចរាងឆ្ងល់ហេតុអីបានថេយ៉ុងចិត្តល្អបែបនេះ?តែក៏ឈប់គិតពេលឌីនហៅគេឲ្យចុះពីលើឡានឌីន«ចុះមកយើងមកដល់ហើយ»បន្ទាប់ពីនាំគេចូលក្នុងភ្លាម ជុងហ្គុកស្ទុះទៅរកជីមីនដែលអង្គុយនៅលើសាឡុង
ជុងហ្គុក«បងជីមីន!»កែវភ្នែកបានដក់ដោយទឹកភ្នែក ជុងហ្គុកយំហើយស្ទុះឱបជីមីនដោយអារម្មណ៍រំភើប ឯជីមីនមិនខុសពីជុងហ្គុកនោះទេ គ្រាន់តែឃើញរាងតូចភ្លាមស្នាមញញឹមក៏បានបង្ហាញយ៉ាងជាក់លើរង្វង់មុខរបស់គេ ដែលជាហេតុធ្វើឲ្យឌីនដែលឈរមើលញញឹមមិនឈប់ ទោះមិនចាំបាច់ចាហ្វាយឆ្លើយក៏នាយទាយដឹងហើយថាចាហ្វាយលង់ស្រឡាញ់ក្មេងនេះទៅហើយ។
ជីមីន«ឃ្លានទេ?ឌីនទៅរកអាហារឆ្ងាញ់ៗមក»
គេបង្គាប់ទៅឌីនហើយអូសដៃជុងហ្គុកទៅតុអាហារដែលនៅជ្រុងម្ខាងទៀតមួយស្របក់ក្រោយមកឌីនក៏បាននាំយកម្ហូបយ៉ាងច្រើនជួយរៀបដាក់លើតុ ឯជុងហ្គុកក៏បានហៅឌីនឲ្យមកចូលរួមតុអាហារជាមួយ
ជុងហ្គុក«បងមកញ៊ាំជាមួយពួកយើងមក»ពេលឃើញជីមីនងក់ក្បាលហើយឌីនក៏ចូលអង្គុយដែរ
ជុងហ្គុកញ៊ាំដោយអត់បារម្ភពីអ្វីសោះ ព្រោះថាគេខានញ៊ាំបែបនេះយូរហើយ...
ជីមីន«បងនឹងនាំឯងទៅនៅខន់ដូរជាមួយបង បងមិនឲ្យថេយ៉ុងយកឯងទៅណាឡើយ»ជីមីនគេខឹងនឹងថេយ៉ុងណាស់តែក៏ភ្លេចសួរថាថេយ៉ុងបានធ្វើអីលើជុងហ្គុកខ្លះអត់?
YOU ARE READING
⌛មហិច្ឆតាត្រកូលគីម⏳
Romance❦︎Ambition of the Kim ❦︎ គ្រួសារត្រកូលគីមមួយនេះសុទ្ឋតែមនុស្សមានមហិច្ឆតាខ្ពស់...ទាំងអំណាច យសសក្ដិ មាសប្រាក់ ជីវិតឡូយឆាយតាមទឹកលុយ កូនប្រុសទាំង៣របស់លោកគីមបានស្នងតំណែងពីគាត់ដោយអត្តចរិតមិនសូវខុសពីឪពុកប៉ុន្មាននោះទេ ក្នុងនោះមានកូនពៅម្នាក់ផងដែរគឺ គីមថេយ៉ុង...