Broken But Beautiful

39

Unicode

အခုချိန်မင်းဘာများလုပ်နေမလဲ
မင်းကိုအရမ်းရစ်ခဲ့ဖူးတဲ့
ရူပါဆိုတဲ့ကောင်မလေးကိုကော မင်းမှတ်မိပါ့မလား?
တိုက်ဆိုင်မှုတွေရှိလာခဲ့ရင်သတိရပါ့ဦးမလား?

မင်းမရှိဘဲ ဖြတ်သန်းလာခဲ့တဲ့
ကုန်ဆုံးသွားတဲ့ ကိုးလတာအချိန်တွေ
ငါမင်းကိုမေ့သွားပြီလို့မင်းထင်နေမယ်ထင်တယ်

ဘယ်လိုလုပ်မေ့နိုင်မလဲ လင်းရဲ့...
ငါနဲ့မင်းနဲ့ဖြတ်သန်းခဲ့တဲ့အချိန်က
၁နှစ်ကျော် ၂နှစ်နီးပါး..
ဒီကလေးဆန်တဲ့ကလေးမလေးကို
အမြဲဆုံးမခဲ့တဲ့ မင်း..

အောက်တိုဘာ ၂၁ရက်နေ့ကိုကော
မင်းတစ်ယောက်တည်းဖြတ်သန်းခဲ့လား?
ဒါမှမဟုတ် မင်းအနားမှာ အများကြီးပိုကောင်းတဲ့တစ်ယောက်ယောက်ရှိနေပြီလား?

မင်းကော..?
အဆင်ပြေနေရဲ့လား?
နေမကောင်းခဏခဏဖြစ်တတ်တာမလို့
သေချာကောဂရုစိုက်နေရဲ့လား?

မဆိုင်တော့တာသိပေမယ့်
ညနက်လာရင် မင်းကအတွေးထဲဝင်လာတာမလို့
ခွင့်လွှတ်ပေးစေချင်တယ် လင်း...

အကယ်၍အခုချိန်မှာများ
မင်းကိုမေးခွန်းတစ်ခုမေးခွင့်ရမယ်ဆိုရင်
ငါ့ကိုဘာလို့ထားခဲ့တာလဲလို့
ငိုယိုပြီးမေးချင်မိတာ သိရဲ့လား

မင်းမဟုတ်ရင်မဖြစ်တာကိုသိရက်နဲ့
မင်းကိုဒီကလေးမကဘယ်လောက်ထိ
အများကြီးသဘောကျခဲ့သလဲဆိုတာမင်းသိရက်သားနဲ့...

ငါတို့မဆိုင်တော့တာမှန်ပါတယ်
မင်းနဲ့အတူတူရှိခဲ့တဲ့အမှတ်တမဲ့တွေက
အမှတ်တရအဖြစ်အခုထိဒီရင်ကိုလာရိုက်နေဆဲမလို့
မင်းအကြောင်းပြန်ပြန်တွေးနေမိတာ..

အမြဲရှိနေပေးမယ်ဆိုတဲ့မင်းစကားကိုယုံခဲ့တဲ့
ငါ့ကိုယ်ငါလည်းအပြစ်တင်ချင်သေးတယ်
မင်းကလည်းတကယ်မရှိပေးနိုင်ဘဲဘာလို့ပြောခဲ့သေးလဲ

သတိရမိသေးတယ်
အရမ်းကိုင်ချင်ခဲ့မိတဲ့အဲ့လက်ချောင်းသွယ်သွယ်လေး‌တွေ..

တစ်ရက်တော့မင်းရှိရာတောင်တန်းတွေဆီသွားပြီး
မင်းနဲ့မရရအောင်တွေ့မယ်ဆိုပြီးစိတ်ကူးတွေယဉ်ခဲ့မိတာ
မင်းရဲ့လက်ချောင်းသွယ်သွယ်လေးတွေကို
ငါ့လက်‌ဖောင်းဖောင်းလေး‌နဲ့ကိုင်ပြီး
ကမ်းနားတစ်လျှောက်လမ်းလျှောက်ရင်း
ဘယ်လောက်ထိချစ်သလဲဆိုတဲ့အကြောင်းတွေကို
ပြောပြချင်ခဲ့မိတာ...